ఆగస్టు 21 నుంచి కొత్త రేషన్ కార్డులు జారీ?.. మంత్రి గంగుల కీలక ప్రకటన , తెలంగాణలో కొత్త రేషన్ కార్డులు జారీ చేసే చాలా కాలమైంది. 2018 ఎన్నికలకు ముందు చివరి సారిగా రేషన్‌కార్డుల కోసం దరఖాస్తులు ఆహ్వానించారు..అయితే ఎన్నికల సమీపిస్తున్న తరుణంలో కొత్త రేషన్ కార్డుల జారీ ఉటుందని ప్రచారం జరగురుగుతుంది. ఆగస్టు 21 (సోమవారం) నుంచి నూతన రేషన్ కార్డులకు దరఖాస్తులను ఆహ్వానిస్తున్నట్లు జనాల్లో విస్తృతంగా ప్రచారం జరుగుతోంది.

Telangana New Ration Cards: తెలంగాణలో కొత్త రేషన్ కార్డులు జారీ చేసే చాలా కాలమైంది. 2018 ఎన్నికలకు ముందు చివరి సారిగా రేషన్‌కార్డుల కోసం దరఖాస్తులు ఆహ్వానించారు. అప్పుడు సుమారు 9 లక్షల మంది దరఖాస్తు చేసుకున్నారు. ఆ దరఖాస్తులను పరిశీలించిన ప్రభుత్వం.. 2021 వరకు పలు దఫాల్లో 3.11 లక్షల కార్డులను జారీ చేసింది. ఆ తర్వాత కొత్త కార్డుల జారీ ప్రక్రియ నిలిచిపోయింది. అయితే ఎన్నికల సమీపిస్తున్న తరుణంలో కొత్త రేషన్ కార్డుల జారీ ఉటుందని ప్రచారం జరగురుగుతుంది. ఆగస్టు 21 (సోమవారం) నుంచి నూతన రేషన్ కార్డులకు దరఖాస్తులను ఆహ్వానిస్తున్నట్లు జనాల్లో విస్తృతంగా ప్రచారం జరుగుతోంది. రేషన్ కార్డు కోసం అప్లై చేసుకునే ఫారం ఇదేనంటూ సోషల్ మీడియాలో ఓ అఫ్లికేషన్ ఫారం కూడా వైరల్‌గా మారింది. దీంతో ప్రజలు మీ సేవా కేంద్రాలకు, ఎమ్మార్వో ఆఫీసులకు క్యూ కడుతున్నారు.

ఈ నేపథ్యంలో కొత్త రేషన్ కార్డుల జారీపై పౌరసరఫరాలశాఖ మంత్రి గుంగుల కమలాకర్ ఓ ప్రకటన విడుదల చేశారు. సోషల్ మీడియాలో వస్తున్నదంతా అబద్ధమని తేల్చేశారు. సోషల్ మీడియాలో వచ్చే ప్రతీది గుడ్డిగా నమ్మెుద్దని చెప్పారు. ప్రస్తుతానికి కొత్త రేషన్ కార్డుల జారీ లేదని అన్నారు. ప్రజల్ని అయోమయానికి గురి చేసేలా ఇలాంటి ప్రకటనలు ఎవరూ షేర్ చేయవద్దని సూచించారు. ప్రభుత్వం నుంచి కచ్ఛితంగా ప్రకటన ఇస్తామని.. ప్రస్తుతానికి రేషన్ కార్డుల జారీ లేదని అన్నారు. ఇలాంటి ఫేక్ వార్తలు ప్రచారం చేస్తే కఠిన చర్యలు తీసుకుంటామని మంత్రి హెచ్చరించారు.

రేషన్ కార్డులు లేక ప్రజల అవస్థలు..
కొత్త రేషన్ కార్డులు మంజూరు చేయకపోవటంతో పేదలు అవస్థలు పడుతున్నారు. కొత్తగా పెళ్లిళ్లు చేసుకున్నవారు, ఉమ్మడి కుటుంబం నుంచి వేరుపడి కుటుంబాలను ఏర్పరుచుకున్నవారు. ఇలా చాలా మంది కొత్త రేషన్ కార్డులు ఎప్పుడెప్పుడు ఇస్తారా? అని ఎదురు చూస్తున్నారు. దానికి తోడు చాలా ప్రభుత్వ పథకాలకు రేషన్ కార్డులను ప్రామాణికంగా తీసుకుంటున్నారు. గృహలక్ష్మి వంటి పథకానికి రేషన్ కార్డు కావాలంటూ ప్రభుత్వం ఆదేశాలు జారీ చేసింది.

అయితే కొత్తగా పెళ్లి చేసుకొన్న జంటలకు రేషన్ కార్డులు లేకపోవటంతో వారు అటువంటి పథకాలకు అనర్హులుగా మిగిలిపోతున్నారు. అలాగే పెళ్లి తర్వాత అమ్మాయిలకు పుట్టిన ఊర్లో రేషన్ నిలిపేస్తున్నారు. అత్తగారి ఊర్లో రేషన్ కార్డులో పేరు నమోదు కాకపోవటంతో అక్కడ కూడా రేషన్ ఇవ్వటం లేదు. దీంతో చాలా మంది నష్టపోతున్నారు. వీటిని దృష్టిలో ఉంచుకొని కొత్త రేషన్ కార్డులు త్వరగా మంజూరు చేయాలని ప్రజలు కోరుతున్నారు