Breaking News

పల్నాడు జిల్లాలో దారుణ ఘటన

పల్నాడు జిల్లాలో 2025 డిసెంబర్ 21 (ఆదివారం) అర్ధరాత్రి ఇద్దరు అన్నదమ్ములు దారుణంగా హత్యకు గురయ్యారు.


Published on: 22 Dec 2025 10:28  IST

పల్నాడు జిల్లాలో 2025 డిసెంబర్ 21 (ఆదివారం) అర్ధరాత్రి ఇద్దరు అన్నదమ్ములు దారుణంగా హత్యకు గురయ్యారు. మృతులను కొత్త శ్రీరామ్ మూర్తి (44) మరియు అతని సోదరుడు హనుమంతు (35) గా గుర్తించారు. వీరిద్దరూ తెలుగుదేశం పార్టీ (TDP) కార్యకర్తలుగా సమాచారం.పల్నాడు జిల్లాలోని దుర్గి మండలం, అడిగొప్పల గ్రామంలో ఈ దారుణం చోటుచేసుకుంది.ప్రత్యర్థులు వీరిపై వేటకొడవళ్లతో దాడి చేశారు. ముందుగా ఇంట్లో ఉన్న శ్రీరామ్ మూర్తిని హతమార్చిన దుండగులు, అనంతరం గ్రామ సమీపంలోని శ్రీ నీలంపాటి లక్ష్మీఅమ్మవారి ఆలయ సమీపంలో ఉన్న హనుమంతును నరికి చంపారు.

 ఈ జంట హత్యలకు పాత కక్షలు లేదా కుటుంబ కలహాలే కారణమని ప్రాథమికంగా భావిస్తున్నారు. అయితే, వారు ఒక రాజకీయ పార్టీకి చెందిన చురుకైన కార్యకర్తలు కావడంతో రాజకీయ కోణంలోనూ అనుమానాలు వ్యక్తమవుతున్నాయి.పోలీసులు ఘటనా స్థలానికి చేరుకుని కేసు నమోదు చేసి దర్యాప్తు ప్రారంభించారు. గ్రామంలో ఎటువంటి అవాంఛనీయ సంఘటనలు జరగకుండా భద్రతను కట్టుదిట్టం చేశారు. ఈ దారుణ ఘటన స్థానికంగా తీవ్ర కలకలం రేపింది. 

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement