ఆర్టిఫిషియల్ ఇంటెలిజెన్స్ ఇన్‌ఫ్రాస్ట్రక్చర్ ప్లాట్‌ఫారమ్ ఏఎం ఇంటెలిజెన్స్ , భారత్ మరియు మలేషియాల్లో తమ ఏఐ ఫ్యాక్టరీల విస్తరణ కోసం భారీ ముందడుగు

గ్రీన్‌కో ప్రమోటర్లు నెలకొల్పిన ఆర్టిఫిషియల్ ఇంటెలిజెన్స్ ఇన్‌ఫ్రాస్ట్రక్చర్ ప్లాట్‌ఫారమ్ ఏఎం ఇంటెలిజెన్స్ , భారత్ మరియు మలేషియాల్లో తమ ఏఐ ఫ్యాక్టరీల విస్తరణ కోసం భారీ ముందడుగు వేసింది.

Published on: 06 Oct 2026 12:55 IST

గ్రీన్‌కో ప్రమోటర్లు నెలకొల్పిన ఆర్టిఫిషియల్ ఇంటెలిజెన్స్ ఇన్‌ఫ్రాస్ట్రక్చర్ ప్లాట్‌ఫారమ్ ఏఎం ఇంటెలిజెన్స్ , భారత్ మరియు మలేషియాల్లో తమ ఏఐ ఫ్యాక్టరీల విస్తరణ కోసం భారీ ముందడుగు వేసింది.అక్టోబర్ 5, 2026 నాటి అధికారిక ప్రకటన ప్రకారం, ఈ సంస్థ అదనంగా 20,000 ఎన్విడియా వెరా రూబిన్ జీపీయూల కొనుగోలుకు రెండు బైండింగ్ ఆర్డర్లను ఖరారు చేసింది.

మొత్తం సామర్థ్యం: ఈ తాజా ఆర్డర్ ద్వారా అదనంగా 70 మెగావాట్ల (MW) కంప్యూటింగ్ సామర్థ్యం అందుబాటులోకి రానుంది. ఈ జీపీయూలను 2027 రెండో త్రైమాసికం (Q2 2027) నాటికి భారత్, మలేషియాల్లోని ఏఐ ఫ్యాక్టరీలలో డెవలప్ చేయనున్నారు.

గత ఆర్డర్లతో కలిపి: ఇంతకుముందు ఆగస్టు 2026 లో హైదరాబాద్‌లోని తొలి ఏఐ ఫ్యాక్టరీ కోసం ప్రకటించిన 9,000 జీపీయూలతో కలిపి, ప్రస్తుతానికి సంస్థ మొత్తం ఆర్డర్ల సంఖ్య 29,000 జీపీయూలకు చేరింది. దీనితో మొత్తం సామర్థ్యం దాదాపు 100 మెగావాట్లకు చేరుకుంటుంది.

ప్రపంచ స్థాయి గుర్తింపు: ఉత్తర అమెరికా వెలుపల ఎన్విడియా సరికొత్త రూబిన్ జీపీయూలను అత్యధిక సంఖ్యలో ఆర్డర్ చేసిన తొలి మరియు అతిపెద్ద సంస్థలలో ఒకటిగా AM Intelligence నిలిచింది.

భవిష్యత్తు ప్రణాళికలు: రాబోయే 15 నెలల్లో అదనంగా మరో 300 మెగావాట్ల సామర్థ్యాన్ని మార్కెట్లోకి తీసుకురావాలని కంపెనీ లక్ష్యంగా పెట్టుకుంది. ఇందుకోసం సుమారు 20 బిలియన్ డాలర్ల పైగా (+ $20 Billion) పెట్టుబడులు పెట్టడానికి ప్రణాళికలు సిద్ధం చేస్తోంది.

ఈ విస్తరణ ద్వారా భారత్ మరియు మలేషియాల్లోని క్లౌడ్ ప్రొవైడర్లు, ఎంటర్‌ప్రైజెస్ మరియు ఏఐ డెవలపర్లకు అంతర్జాతీయ స్థాయి లార్జ్-స్కేల్ కంప్యూటింగ్ సామర్థ్యం స్థానికంగానే అందుబాటులోకి రానుంది.

ఇవీ చదవండి

భారతదేశంలో మెర్సిడెస్ బెంజ్ కార్ల ధరలు రాబోయే జనవరి 2027 నుండి మళ్లీ పెరగనున్నాయి

చోడవరంలో వర్షాలకోసం ఘనంగా పూజలు

వర్షాలు సమృద్ధిగా కురవాలని ప్రత్యేక పూజలు

నీటి తరలింపును అడ్డుకున్న గ్రామస్థులు

Advertisement