హైదరాబాద్‌కు చెందిన ప్రముఖ ప్రైవేట్ స్పేస్ స్టార్టప్ స్కైరూట్ ఏరోస్పేస్ అమెరికాకు చెందిన 'రిఫ్లెక్ట్ ఆర్బిటల్' సంస్థతో రెండు ప్రత్యేక రాకెట్ ప్రయోగాల

హైదరాబాద్‌కు చెందిన ప్రముఖ ప్రైవేట్ స్పేస్ స్టార్టప్ స్కైరూట్ ఏరోస్పేస్ అమెరికాకు చెందిన 'రిఫ్లెక్ట్ ఆర్బిటల్' సంస్థతో రెండు ప్రత్యేక రాకెట్ ప్రయోగాల కోసం చారిత్రాత్మక వాణిజ్య ఒప్పందాన్ని కుదుర్చుకుంది. జూలై 2026లో 'విక్రమ్-1' రాకెట్ తొలి ఆర్బిటల్ ప్రయోగాన్ని విజయవంతం చేసిన తర్వాత స్కైరూట్ సాధించిన అత్యంత పెద్ద అంతర్జాతీయ ప్రాజెక్ట్ ఇది.

Published on: 15 Oct 2026 11:35 IST

హైదరాబాద్‌కు చెందిన ప్రముఖ ప్రైవేట్ స్పేస్ స్టార్టప్ స్కైరూట్ ఏరోస్పేస్ అమెరికాకు చెందిన 'రిఫ్లెక్ట్ ఆర్బిటల్' సంస్థతో రెండు ప్రత్యేక రాకెట్ ప్రయోగాల కోసం చారిత్రాత్మక వాణిజ్య ఒప్పందాన్ని కుదుర్చుకుంది. జూలై 2026లో 'విక్రమ్-1' రాకెట్ తొలి ఆర్బిటల్ ప్రయోగాన్ని విజయవంతం చేసిన తర్వాత స్కైరూట్ సాధించిన అత్యంత పెద్ద అంతర్జాతీయ ప్రాజెక్ట్ ఇది.

రెండు ప్రయోగాల ప్రత్యేకతలు

మొదటి ప్రయోగం: రిఫ్లెక్ట్ ఆర్బిటల్ సంస్థకు చెందిన మొదటి ఉపగ్రహాన్ని కక్ష్యలోకి చేర్చడానికి స్కైరూట్ తన విక్రమ్-1 రాకెట్‌ను ఉపయోగించనుంది.

రెండూ ప్రయోగం: స్కైరూట్ ప్రస్తుతం అభివృద్ధి చేస్తున్న సరికొత్త విక్రమ్-1యు (Vikram-1U) రాకెట్ ద్వారా రెండో ఉపగ్రహ ప్రయోగాన్ని చేపట్టనున్నారు. ఈ రాకెట్ అదనపు బూస్టర్లతో మరింత ఎక్కువ బరువును మోసుకెళ్లే సామర్థ్యాన్ని కలిగి ఉంటుంది.

రిఫ్లెక్ట్ ఆర్బిటల్ మిషన్ లక్ష్యం

అమెరికాకు చెందిన రిఫ్లెక్ట్ ఆర్బిటల్ సంస్థ అంతరిక్షంలో ప్రత్యేక అద్దాలను ఏర్పాటు చేసే సరికొత్త సాంకేతికతపై పనిచేస్తోంది.

భూమిపై ఉన్న సోలార్ పవర్ ప్లాంట్లు (సౌర విద్యుత్ కేంద్రాలు) రాత్రి వేళల్లో కూడా నిరంతరాయంగా విద్యుత్‌ను ఉత్పత్తి చేసేలా, అలాగే చీకటి సమయాల్లో అత్యవసర సహాయక చర్యలు చేపట్టేలా ఈ అద్దాల ద్వారా సూర్యకాంతిని భూమిపై నిర్దిష్ట ప్రాంతాలకు ప్రతిబింబింపజేయడం ఈ ప్రాజెక్ట్ యొక్క ముఖ్య ఉద్దేశం.

భారత ప్రైవేట్ అంతరిక్ష రంగానికి మైలురాయి

భారతదేశంలో అంతరిక్ష సంస్కరణలు ప్రారంభమైన తర్వాత, విక్రమ్ రాకెట్ సిరీస్‌తో గ్లోబల్ మార్కెట్‌లో వాణిజ్య ప్రయోగాల షెడ్యూల్ భద్రతను అందిస్తూ అంతర్జాతీయ కస్టమర్లను ఆకర్షించడంలో స్కైరూట్ ఏరోస్పేస్ భారత ప్రైవేట్ స్పేస్ ఎకోసిస్టమ్‌ను సరికొత్త ఎత్తుకు తీసుకెళ్లింది.

ఇవీ చదవండి

స్టేట్ బ్యాంక్ ఆఫ్ ఇండియా (SBI) తన రుణ గ్రహీతలకు పెద్ద షాక్ ఇస్తూ, కీలక వడ్డీ రేట్లను పెంచుతున్నట్లు ప్రకటించింది.

భీమవరంలో వర్షం ..ప్రయాణికుల అవస్థలు

ఆలూ ఫ్లోరైడ్ కంపెనీలో భారీ అగ్నిప్రమాదం

ఆపరేషన్ త్రిశూల్లో భాగస్వామ్యం కండి

Advertisement