Breaking News

ఆండ్రాయిడ్ మొబైల్ వినియోగదారులను సైబర్ మోసాల నుండి రక్షించడానికి గూగుల్ ‘ఫేక్ కాల్ డిటెక్షన్’ అనే సరికొత్త సెక్యూరిటీ ఫీచర్‌ను విడుదల

ఆండ్రాయిడ్ మొబైల్ వినియోగదారులను సైబర్ మోసాల నుండి రక్షించడానికి గూగుల్ ‘ఫేక్ కాల్ డిటెక్షన్’ అనే సరికొత్త సెక్యూరిటీ ఫీచర్‌ను విడుదల చేసింది.


Published on: 04 Jun 2026 12:20  IST

ఆండ్రాయిడ్ మొబైల్ వినియోగదారులను సైబర్ మోసాల నుండి రక్షించడానికి గూగుల్ ‘ఫేక్ కాల్ డిటెక్షన్’ అనే సరికొత్త సెక్యూరిటీ ఫీచర్‌ను విడుదల చేసింది. ఆర్టిఫిషియల్ ఇంటెలిజెన్స్ (AI) సాయంతో మీ స్నేహితులు లేదా బంధువుల గొంతులను అనుకరిస్తూ చేసే AI వాయిస్ క్లోనింగ్ ,కాల్ స్పూఫింగ్ మోసాలకు అడ్డుకట్ట వేయడమే ఈ ఫీచర్ యొక్క ముఖ్య ఉద్దేశం.

డిజిటల్ హ్యాండ్‌షేక్: మీ కాంటాక్ట్స్‌లో ఉన్న ఒక వ్యక్తి మీకు కాల్ చేసినప్పుడు, బ్యాక్‌గ్రౌండ్‌లో రెండు ఫోన్ల మధ్య ఒక ‘సైలెంట్ వెరిఫికేషన్ సిగ్నల్’ మార్పిడి జరుగుతుంది.

RCS టెక్నాలజీ: ఈ సిగ్నల్ పూర్తిగా ఎండ్-టు-ఎండ్ ఎన్‌క్రిప్టెడ్ RCS టెక్నాలజీ ద్వారా నడుస్తుంది. కాబట్టి మీ వ్యక్తిగత ప్రైవసీకి ఎలాంటి భంగం కలగదు.

రియల్-టైమ్ అలర్ట్: ఒకవేళ సైబర్ నేరగాళ్లు మీ బంధువుల నంబర్‌ను స్పూఫ్ చేసి (నకిలీ ఐడీతో) కాల్ చేస్తే, ఆ సిగ్నల్ మిస్ అవుతుంది. వెంటనే గూగుల్ సిస్టమ్ అవతలి వ్యక్తి అసలు డివైజ్‌ను చెక్ చేస్తుంది. అక్కడ నుండి కాల్ రావట్లేదని నిర్ధారణ అయితే, మీ స్క్రీన్‌పై "Fake Call" అని అలర్ట్ చూపిస్తూ, కాల్ వెంటనే కట్ చేయమని హెచ్చరిస్తుంది.

మొదట పిక్సెల్ ఫోన్లలో: ఈ జూన్ నెలలోనే గూగుల్ తన Pixel స్మార్ట్‌ఫోన్ వినియోగదారులకు ఈ అప్‌డేట్‌ను ముందుగా అందిస్తోంది.

ఆండ్రాయిడ్ 12+ డివైజ్ లలో: ఆండ్రాయిడ్ 12 లేదా అంతకంటే పైబడిన ఓఎస్ వెర్షన్ ఉన్న అన్ని ఫోన్లకు ఇది త్వరలోనే లభిస్తుంది.

గూగుల్ ఫోన్ యాప్ తప్పనిసరి: ఈ ఫీచర్ పనిచేయాలంటే కాల్ చేసే వ్యక్తి, కాల్ స్వీకరించే వ్యక్తి ఇద్దరూ కూడా Phone by Google యాప్‌ను డిఫాల్ట్ డయలర్‌గా వాడుతుండాలి. ఈ ఫీచర్ మీ ఫోన్‌లో బై-డిఫాల్ట్‌గా ఆన్‌లోనే ఉంటుంది. ఒకవేళ వద్దు అనుకుంటే ఫోన్ యాప్ సెట్టింగ్స్‌లోకి వెళ్లి దీనిని ఎప్పుడైనా ఆఫ్ చేసుకోవచ్చు.

 

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement