Breaking News

విచారణకు హాజరుకాలేను: సీబీఐకి MLC కవిత లేఖ

ఢిల్లీ లిక్కర్ స్కామ్ కేసులో బీఆర్ఎస్ MLC కల్వకుంట్ల కవిత కు ఇటీవలే CBI అధికారులు మరోసారి నోటీసులు ఇచ్చిన విషయం తెలిసిందే. వాటిపై స్పందించిన కవిత ఆదివారం CBI అధికారులకు లేఖ రాశారు. ఫిబ్రవరి 26న విచారణకు హాజరు కాలేనని లేఖలో స్పష్టం చేశారు. పార్లమెంటు ఎన్నికల దృష్యా CBI నోటీసులు జారీ వల్ల అనేక ప్రశ్నలకు తావిస్తోందని కవిత తెలిపారు.


Published on: 26 Feb 2024 16:02  IST

ఎన్నికల ప్రచార బాధ్యతలు ఉన్నందున విచారణకు రావడం అవరోధంగా ఉందని కవిత తెలిపారు. ఈ మేరకు ఫిబ్రవరి 26 న విచారణకు హాజరుకాలేనని CBI కి కవిత లేఖ రాశారు. సీఆర్పీసీ సెక్షన్​41ఏ కింద జారీ చేసిన నోటీసులను రద్దు చేయాలని లేదా ఉపసంహరించుకోవాలని CBI కి రాసిన లేఖలో కవిత కోరారు.అయితే, ఒకవేళ తన నుంచి CBIకి ఏవైనా ప్రశ్నలకు సమాధానం, సమాచారం కావాలనుకుంటే వర్చువల్​ పద్ధతిలో హాజరవ్వడానికి అందుబాటులో ఉంటానని కవిత పేర్కొన్నారు.

ఫిబ్రవరి 26న విచారణకు హాజరుకావడం సాధ్యం కాదని ఎమ్మెల్సీ కవిత స్పష్టం చేశారు. సీఆర్పీసీ సెక్షన్​41ఏ కింద నోటీసులు ఇవ్వడం సబబు కాదన్నారు. 2022 డిసెంబరులో ఇదే తరహా నోటీసును సెక్షన్​160 కింద ఇచ్చారని గుర్తు చేశారు. గతంలో జారీ చేసిన సెక్షన్​160 నోటీసుకు ప్రస్తుత సెక్షన్​41ఏ నోటీసు పూర్తి విరుద్ధంగా ఉందని సీబీఐకి రాసిన లేఖలో కవిత పేర్కొన్నారు. సెక్షన్​41ఏ కింద ఎందుకు, ఏ పరిస్థితుల్లో నోటీసులు ఇచ్చారో స్పష్టత లేదని, నోటీసు జారీ చేసిన సందర్భం కూడా ఆలోచింపంజేస్తోందన్నారు.
 

Follow us on , &

ఇవీ చదవండి