ఇష్టమొచ్చినట్టు ప్రవర్తిస్తే కుదరదు..లోన్ ఏజెంట్లకు శిక్షణ తప్పనిసరి: ఆర్బీఐ

Published on: 13 Feb 2026 18:55 IST

లోన్ రికవరీ ఏజెంట్ల వేధింపులను తగ్గించే దిశగా Reserve Bank of India కీలక చర్యలు తీసుకుంది. బ్యాంకులు నియమించే రికవరీ ఏజెంట్ల కోసం కొత్త ముసాయిదా నిబంధనలను విడుదల చేసింది. ఈ నిబంధనల లక్ష్యం – రుణగ్రహీతలకు గౌరవంగా, నియమాల ప్రకారం వ్యవహరించేలా చేయడం.

ఫోన్ కాల్స్ తప్పనిసరిగా రికార్డ్ చేయాలి

ఇకపై లోన్ తీసుకున్న వ్యక్తులతో రికవరీ ఏజెంట్లు మాట్లాడే ప్రతి ఫోన్ కాల్‌ను బ్యాంకులు రికార్డ్ చేయాల్సిందే. దీనివల్ల వేధింపులు జరిగితే ఆధారాలు అందుబాటులో ఉంటాయి.

వినియోగదారులతో మర్యాదగా ప్రవర్తించాలి

రికవరీ సమయంలో ఏజెంట్లు కచ్చితంగా మర్యాద పాటించాలి.

తిట్టడం, బెదిరించడం లేదా అనుచిత మెసేజ్‌లు పంపడం పూర్తిగా నిషేధం.
ఇంట్లో మరణం జరిగినప్పుడు, పెళ్లిళ్లు, పండుగలు వంటి సందర్భాల్లో రికవరీ కోసం వెళ్లకూడదు.

ప్రత్యేక శిక్షణ తప్పనిసరి

రికవరీ ఏజెంట్లు Indian Institute of Banking & Finance నిర్వహించే డెట్ రికవరీ ట్రైనింగ్ పూర్తి చేయడం తప్పనిసరి. శిక్షణ పొందిన వారినే బ్యాంకులు నియమించాలి.

వినియోగదారుల డేటా భద్రతపై దృష్టి

లోన్ తీసుకున్న వారి వ్యక్తిగత సమాచారాన్ని దుర్వినియోగం చేయకుండా బ్యాంకులు ప్రత్యేక జాగ్రత్తలు తీసుకోవాలని సూచించారు.

ఇటీవల జరిగిన వేధింపుల ఘటనలను దృష్టిలో పెట్టుకుని Sanjay Malhotra ఈ కఠిన నిబంధనలను ప్రతిపాదించారు. అలాగే రికవరీ ఏజెంట్లను నియమించే ముందు వారి వివరాలను బ్యాంకులు సరిచూడాలని కూడా ఆదేశించారు.