Breaking News

భారతదేశం నుంచి ఎగుమతి అయిన 3 కంటెయినర్ల ఎండుమిర్చిని చైనా తిరస్కరించింది

భారతదేశం నుంచి ఎగుమతి అయిన 3 కంటెయినర్ల ఎండుమిర్చిని చైనా తిరస్కరించింది. అనుమతించదగిన పరిమితి కంటే ఎక్కువ మొత్తంలో పురుగుమందుల అవశేషాలు ఉన్నాయనే కారణంతో చైనా కస్టమ్స్ అధికారులు ఈ నిర్ణయం తీసుకున్నారు.


Published on: 13 Jun 2026 10:51  IST

భారతదేశం నుంచి ఎగుమతి అయిన 3 కంటెయినర్ల ఎండుమిర్చిని చైనా తిరస్కరించింది. అనుమతించదగిన పరిమితి కంటే ఎక్కువ మొత్తంలో పురుగుమందుల అవశేషాలు ఉన్నాయనే కారణంతో చైనా కస్టమ్స్ అధికారులు ఈ నిర్ణయం తీసుకున్నారు.

తిరస్కరణకు కారణం: ఈ ఎండుమిర్చి కంటెయినర్లలో 'మెథామిడోఫాస్' (Methamidophos) అనే అత్యంత ప్రమాదకరమైన ఆర్గానోఫాస్ఫేట్ పురుగుమందు అవశేషాలు ఉన్నట్లు చైనా అధికారులు గుర్తించారు.

ఎగుమతిదారులపై నిషేధం: ఈ నిబంధనల ఉల్లంఘన కారణంగా, భారతదేశానికి చెందిన ముగ్గురు ఎండుమిర్చి ఎగుమతిదారులపై  చైనా తాత్కాలికంగా నిషేధం విధించింది.

రెండు దేశాల వాదనలు:

'మెథామిడోఫాస్' పురుగుమందు మానవ నాడీ వ్యవస్థపై తీవ్ర ప్రభావం చూపుతుంది.

అయితే, ఈ పురుగుమందును భారతదేశంలో మిర్చి సాగుకు ఉపయోగించడానికి అసలు అనుమతే లేదని, కాబట్టి ఈ అవశేషాలు ఎలా వచ్చాయనే దానిపై భారతీయ వాణిజ్య వర్గాలు స్పష్టత కోరుతున్నాయి.

ఎగుమతిదారుల్లో ఆందోళన

భారతీయ ఎండుమిర్చికి చైనానే అతిపెద్ద కొనుగోలుదారు. ముఖ్యంగా ఆంధ్రా, తెలంగాణ ప్రాంతాల నుంచి 'తేజ'  రకం మిర్చిని చైనా భారీగా దిగుమతి చేసుకుంటుంది. గత నెలలోనే (మే 2026) భారత్ నుంచి వెళ్లిన సుమారు 70 నాన్-బాస్మతీ బియ్యం కంటెయినర్లను కూడా చైనా ఇలాగే తిరస్కరించింది. ఇప్పుడు బియ్యం తర్వాత ఎండుమిర్చిని కూడా తిరస్కరించడం వల్ల భారత్-చైనా వ్యవసాయ వాణిజ్యంపై మరియు మిర్చి రైతులకు లభించే ధరలపై ప్రభావం పడే అవకాశం ఉందని ఎగుమతిదారులు ఆందోళన చెందుతున్నారు.ప్రస్తుతానికి చైనా ఈ స్టాక్‌ను వెనక్కి పంపకుండా, నాణ్యతా లోపాలకు ప్రత్యామ్నాయంగా ధరల తగ్గింపు కోసం ఎగుమతిదారులతో రాయబారాలు జరుపుతున్నట్లు వాణిజ్య వర్గాల సమాచారం.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement