Breaking News

భారతదేశపు మొట్టమొదటి స్వదేశీ ఎలక్ట్రిక్ ఎయిర్ ట్యాక్సీ 'శూన్య' అభివృద్ధిలో ఒక కీలకమైన అడుగు పడింది

భారతదేశపు మొట్టమొదటి స్వదేశీ ఎలక్ట్రిక్ ఎయిర్ ట్యాక్సీ 'శూన్య' అభివృద్ధిలో ఒక కీలకమైన అడుగు పడింది. ప్రముఖ డిజైన్ మరియు సాంకేతిక సేవల సంస్థ టాటా ఎల్క్సీ మరియు బెంగళూరుకు చెందిన స్టార్టప్ సర్లా ఏవియేషన్ ఈ ప్రాజెక్ట్ వేగవంతం చేయడం కోసం ఒక అవగాహన ఒప్పందం కుదుర్చుకున్నాయి.


Published on: 02 Sep 2026 14:38  IST

భారతదేశపు మొట్టమొదటి స్వదేశీ ఎలక్ట్రిక్ ఎయిర్ ట్యాక్సీ 'శూన్య' అభివృద్ధిలో ఒక కీలకమైన అడుగు పడింది. ప్రముఖ డిజైన్ మరియు సాంకేతిక సేవల సంస్థ టాటా ఎల్క్సీ మరియు బెంగళూరుకు చెందిన స్టార్టప్ సర్లా ఏవియేషన్ ఈ ప్రాజెక్ట్ వేగవంతం చేయడం కోసం ఒక అవగాహన ఒప్పందం కుదుర్చుకున్నాయి.

భాగస్వామ్యం ,బాధ్యతలు: ఈ ఒప్పందం ప్రకారం, Tata Elxsi సంస్థ 'శూన్య' ఎయిర్ ట్యాక్సీకి అవసరమైన ఏవియానిక్స్, ఫ్లైట్ కంట్రోల్ సిస్టమ్స్, సాఫ్ట్‌వేర్ ఇంటిగ్రేషన్, టెస్టింగ్ మరియు సర్టిఫికేషన్ వంటి సాంకేతిక మద్దతును అందిస్తుంది. Sarla Aviation దీని డిజైన్, డెవలప్‌మెంట్‌ బాధ్యతలను చూసుకుంటుంది.

మొదటి ప్రయోగాత్మక ఫ్లైట్ : ఈ ఎలక్ట్రిక్ వర్టికల్ టేకాఫ్ అండ్ ల్యాండింగ్ ఎయిర్ ట్యాక్సీ యొక్క మొదటి టెస్ట్ ఫ్లైట్‌ను రాబోయే 18 నుండి 24 నెలల్లో నిర్వహించాలని లక్ష్యంగా పెట్టుకున్నారు.

శూన్య ఎయిర్ ట్యాక్సీ ప్రత్యేకతలు:

సామర్థ్యం: ఇందులో 6గురు ప్రయాణికులు మరియు ఒక పైలట్ ప్రయాణించవచ్చు.

పరిధి , వేగం: ఇది గంటకు 250 కిలోమీటర్ల వేగంతో ప్రయాణించగలదు మరియు 300 కిలోమీటర్ల కంటే ఎక్కువ పరిధిని కవర్ చేసేలా దీనిని డిజైన్ చేస్తున్నారు.

పర్యావరణ హితం: ఇది పూర్తిగా విద్యుత్‌తో నడుస్తుంది మరియు హెలికాప్టర్లతో పోలిస్తే 70% తక్కువ శబ్ద కాలుష్యాన్ని కలిగి ఉంటుంది.

లక్ష్యం: మెట్రో నగరాల్లో విపరీతమైన ట్రాఫిక్ సమస్యలను తగ్గించడానికి ఈ ఎయిర్ ట్యాక్సీలు ఎంతగానో ఉపయోగపడతాయి. సాధారణంగా రోడ్డు మార్గంలో 2 నుండి 3 గంటలు పట్టే ప్రయాణ సమయాన్ని ఇది కేవలం 15 నుండి 20 నిమిషాలకు తగ్గిస్తుంది. 2028 నాటికి దీనిని వాణిజ్యపరంగా అందుబాటులోకి తీసుకురావాలని భావిస్తున్నారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement