Breaking News

మారేడుమిల్లి అడవుల్లో భారీ ఎన్‌కౌంటర్ – ఏడుగురు మావోయిస్టులు హతం

ఏవోబీలో మ‌రో ఎన్‌కౌంట‌ర్.. ఏడుగురు మావోయిస్టులు హ‌తం


Published on: 19 Nov 2025 17:36  IST

ఆంధ్రప్రదేశ్‌ అల్లూరి సీతారామరాజు జిల్లాలో మరోసారి ఉద్రిక్తత నెలకొంది. మారేడుమిల్లి సమీపంలోని బీఎం వలస ప్రాంతంలో బుధవారం తెల్లవారుజామున భద్రతా బలగాలు, మావోయిస్టుల మధ్య తీవ్ర కాల్పులు జరిగాయి. ఈ ఎన్‌కౌంటర్‌లో ఏడుగురు మావోయిస్టులు మరణించినట్లు ఏపీ ఇంటెలిజెన్స్‌ చీఫ్ మహేశ్ చంద్ర లడ్డా వెల్లడించారు. ఆయుధాలతో నిండిన ప్రాంతాన్ని పోలీసులు ముందస్తు సమాచారంతో చుట్టుముట్టిన సందర్భంగా ఈ ఘటన చోటుచేసుకుంది.

మరణించిన వారిలో అగ్ర మావోయిస్టు నాయకులు ఆజాద్‌, దేవ్‌జీ ఉన్నట్లు ప్రాథమిక సమాచారం చెప్తోంది. కాల్పుల వివరాలను మధ్యాహ్నం వరకు అధికారికంగా వెల్లడిస్తామని పోలీసులు పేర్కొన్నారు. ఇదే సమయంలో, నిన్న అరెస్ట్ చేసిన 50 మంది మావోయిస్టులను విజయవాడలో మీడియా ముందు హాజరు పరిచారు. ఈ సందర్భంగా లడ్డా మీడియాతో మాట్లాడారు.

ఇటీవలి రోజులుగా మావోయిస్టులు ఛత్తీస్‌గఢ్, తెలంగాణ రాష్ట్రాల నుంచి ఆంధ్రప్రదేశ్ వైపు చొరబడేందుకు ప్రయత్నిస్తున్నట్లు నిఘా శాఖ గుర్తించింది. ఈ నేపథ్యంలో నవంబర్ 17న భారీ ఆపరేషన్‌ను ప్రారంభించగా, 18న ఉదయం తీవ్ర ఎన్‌కౌంటర్ జరిగింది. ఈ సంఘటనలో సెంట్రల్‌ కమిటీ సభ్యుడు హిడ్మా సహా మరో ఐదుగురు మావోయిస్టులు హతమయ్యారు.

అదనంగా, ఎన్టీఆర్, కృష్ణా, ఏలూరు, కాకినాడ, కోనసీమ జిల్లాల్లో పోలీసు దళాలు చేపట్టిన ప్రత్యేక కార్యకలాపాల్లో 50 మంది మావోయిస్టులను అదుపులోకి తీసుకున్నట్లు వెల్లడించారు. వీరిలో స్పెషల్ జోనల్ కమిటీ సభ్యులు, డివిజనల్ కమిటీ సభ్యులు, ప్లాటూన్ సభ్యులు, ఏరియా కమిటీ సభ్యులు వంటి కీలక నేతలు ఉన్నారు. వారి వద్ద నుంచి భారీ ఎత్తున ఆయుధాలు, పేలుడు పదార్థాలు స్వాధీనం చేసుకున్నట్లు అధికారులు తెలిపారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement