Breaking News

ప్రధాన మంత్రి నరేంద్ర మోదీతో ఏపీ సీఎం జగన్ సమావేశం

ఢిల్లీ పర్యటలో ఉన్న సీఎం జగన్ ప్రధాన మంత్రి మోదీతో భేటీ ముగిసింది. ప్రధాని నరేంద్ర మోదీతో సుమారు గంటన్నరపాటు కొనసాగిన సీఎం జగన్‌ సమావేశం. పార్లమెంటులోని ప్రధాని కార్యాలయంలో సమావేశం అయ్యారు. రాష్ట్రానికి రావాల్సిన నిధులు పెండింగ్ బకాయిల పై చర్చలు జరిపారు.


Published on: 09 Feb 2024 15:17  IST

పోలవరం ప్రాజెక్టు నిర్మాణ పనులను  పూర్తి చేసేందుకు కేంద్రం తగిన సహాయ సహకారాలను అందించాలని, తెలంగాణ డిస్కంల నుంచి రావాల్సిన విద్యుత్తు బకాయిలు, విభజన సమయంలో పార్లమెంట్‌ సాక్షిగా ఇచ్చిన హామీల అమలు, ఇతర అభివృద్ధి కార్యక్రమాలపై సీఎం జగన్‌ ప్రధానితో చర్చించినట్లు సమాచారం. ఆంధ్రప్రదేశ్‌కు ప్రత్యేక హోదా, స్టీల్‌ ప్లాంట్‌ ప్రైవేటీకరణ నిలుపుదల, కేంద్ర వాటా నుంచి ఆంధ్రప్రదేశ్‌కు రావాల్సిన పన్ను చెల్లింపులు వంటి అంశాలు చర్చించినట్లు సమాచారం. 
అనంతరం కేంద్ర మంత్రులు అమిత్‌ షా, నిర్మలా సీతారామన్‌తోనూ కలవనున్న సీఎం జగన్. సీఎం జగన్ వెంట వైఎస్సార్‌సీపీ లోక్‌సభా పక్ష నేత మిథున్‌రెడ్డి, రాష్ట్ర ప్రభుత్వ ప్రధాన కార్యదర్శి కేఎస్‌ జవహర్‌రెడ్డి, ఎంపీ విజయసాయిరెడ్డి, పలువురు ఉన్నతాధికారులు ఉన్నారు.

Follow us on , &

ఇవీ చదవండి