Breaking News

కువైట్‌ నుండి తప్పించుకుని బోటులో వచ్చిన భారతీయులు

రెండు రోజుల కిందట దేశ ఆర్ధిక రాజధాని ముంబయి గేట్‌వే ఆఫ్ ఇండియా సమీపంలోని అరేబియా సముద్రంలో అనుమానాస్పద బోటు కలకలం రేపింది. మంగళవారం ముంబయి తీరంలో ఓ అనుమానాస్పద పడవ కలకలం సృష్టించింది. ముగ్గుర్ని అదుపులోకి తీసుకున్న మెరైన్ పోలీసులు వాళ్ళని పోలీస్ స్టేషన్‌కు తరలించారు. అయితే, ఆ ముగ్గురు జీవన ఉపాధి కోసం రెండేళ్ల క్రితం కువైట్కు వెళ్లిన భారతీయులుగా గుర్తించారు.


Published on: 08 Feb 2024 14:55  IST

పోలీసు వాళ్ళు తెలిపిన ప్రకారం తమిళనాడులోని కన్యాకుమారికి చెందిన  నిడిసో డిటో (31), వినయ్ విజయ్ ఆంటోనీ (29), సహయత్త అనీశ్ (29)‌లు. అక్కడ యజమాని పెట్టే చిత్రహింసలకు భరించలేక తప్పించుకుని సముద్ర మార్గం గుండా స్వదేశానికి చేరుకున్నట్టు విచారణలో వెల్లడించారు. డిటో, ఆంటోనీ, అనీశ్‌లు 2022లో ఉపాధి కోసం కువైట్‌కు వెళ్లి అక్కడ అబ్దుల్లా షర్హీద్ అనే వ్యక్తికి చెందిన ఫిషింగ్ కంపెనీలో చేరారు. ఆ యజమాని పని చేయించుకుని సరిగా జీతం ఇవ్వకపోగా చిత్రహింసలకు గురిచేశాడు. 
దీంతో అక్కడి నుంచి వారు తప్పించుకునేందుకు వారు ప్రయత్నించారు, కానీ  పాస్పోర్టులు షర్హీద్ వద్ద ఉండడం వల్ల కుదరలేదు. చివరకు యజమాని పడవ దొంగలించి, పది రోజుల పాటు ఆరు దేశాల మీదుగా ప్రయాణించి ముంబయికి చేరుకున్నారు. 

Follow us on , &

ఇవీ చదవండి