డబ్బు కోసం అమ్మమ్మను చంపిన మనవడు

మెదక్ జిల్లా రామాయంపేటలో కొత్త బైక్ కొనడానికి, జల్సాల కోసం డబ్బు, బంగారం ఇవ్వలేదనే కోపంతో సొంత అమ్మమ్మను ఒక మనవడు తన స్నేహితుడితో కలిసి దారుణంగా హత్య చేశాడు.

Published on: 24 Jun 2026 16:10 IST

నిందితుడైన విశాల్‌కు కొత్త బైక్ కొనాలనే కోరిక బలంగా ఉండేది. దానికోసం అమ్మమ్మ ఒంటిపై ఉన్న బంగారు ఆభరణాలు ఇవ్వాలని అడగగా ఆమె నిరాకరించింది. ఎలాగైనా ఆ నగలను కాజేయాలనే క్రూరమైన ఆలోచనతో ఈ ఘాతుకానికి పాల్పడ్డాడు.

నిందితుడు విశాల్ బయట మెడికల్ షాప్‌లో కొన్ని నిద్రమాత్రలను కొనుగోలు చేశాడు.జూన్ 18వ తేదీన అమ్మమ్మ నిత్యం తాగే కల్లులో ఆ నిద్రమాత్రలను కలిపి ఆమెకు ఇచ్చాడు.ఆమె స్పృహ కోల్పోయిన తర్వాత, తన స్నేహితుడు ప్రశాంత్‌తో కలిసి సాయమ్మ ముఖంపై దిండు పెట్టి, ఊపిరాడకుండా చేసి దారుణంగా హతమార్చాడు.

వృద్ధురాలిని చంపేసిన తర్వాత ఆమె ఒంటిపై ఉన్న నగలను దొంగిలించి, ఆమె గుండెపోటుతో చనిపోయిందని నమ్మించే ప్రయత్నం చేశాడు. కుటుంబ సభ్యులు కూడా మొదట అది సహజ మరణమే అనుకుని అంత్యక్రియలు పూర్తి చేశారు.అయితే, సాయమ్మ హఠాన్మరణంపై ఆమె కుమారుడు శ్యామ్‌కు తీవ్రమైన అనుమానం రావడంతో పోలీసులకు అధికారికంగా ఫిర్యాదు చేశాడు.

రంగంలోకి దిగిన పోలీసులు అనుమానితుడైన మనవడు విశాల్‌ను అదుపులోకి తీసుకుని విచారించగా, జల్సాలు మరియు బైక్ కోసమే తన స్నేహితుడితో కలిసి అమ్మమ్మను చంపినట్లు అంగీకరించాడు.ప్రస్తుతం పోలీసులు నిందితులు ఇద్దరినీ అరెస్ట్ చేసి రిమాండ్‌కు తరలించారు. క్షణికావేశం, జల్సాల కోసం సొంత రక్తసంబంధీకురాలినే పొట్టనబెట్టుకున్న యువకుడి తీరుపై స్థానికంగా తీవ్ర ఆగ్రహం వ్యక్తమవుతోంది.

డబ్బు కోసం అమ్మమ్మను చంపిన మనవడు

ఇవీ చదవండి

విద్యాభివృద్ధికి పరిశ్రమలు సహకరించాలి MLA

అత్తింటి వేధింపులు తాళలేక యువతీ ఆత్మహత్య

బాసరలో బయటపడిన భద్రతా వైఫల్యాలు

ఆన్‌లైన్ బెట్టింగ్‌కు బానిసై తోటిఉద్యోగి ఇంట్లోచోరీ

మున్సిపల్ కార్యాలయంలో కుంగినభూమి

తాండూరు పల్లకి సేవలో అయ్యప్ప స్వామి భక్తులు

సమీకృత మార్కెట్ అందుబాటులోకి తేవాలి

మంగళగిరి శ్రీ లక్ష్మీనరసింహస్వామిసేవలో పవన్

విద్యాభివృద్ధికి పరిశ్రమలు సహకరించాలి MLA

Advertisement