గోదాములో రసాయన డబ్బాపేలి కార్మికుడు మృతి

హైదరాబాద్‌లోని బాలాపూర్ రెవెన్యూ పరిధి (మీర్‌పేట పోలీస్ స్టేషన్ పరిధి) లోని ఒక గోదాములో నిల్వ ఉన్న రసాయన డబ్బా పేలి పశ్చిమ బెంగాల్‌కు చెందిన అనూప్ ప్రధాన్ (43) అనే కార్మికుడు అక్కడికక్కడే దుర్మరణం చెందాడు. ఈ ఘోర ప్రమాదం జూన్ 21, ఆదివారం సాయంత్రం చోటుచేసుకుంది.

Published on: 22 Jun 2026 18:09 IST

పశ్చిమ బెంగాల్‌లోని ఈస్ట్‌ మిడ్నాపూర్‌ ప్రాంతానికి చెందిన అనూప్‌ ప్రధాన్‌ (43), బాలాపూర్ పరిధిలోని బడంగ్‌పేట్‌ వద్ద గల ఒక డెకరేషన్ వస్తువుల గోదాములో పనిచేసేందుకు కేవలం మూడు రోజుల క్రితమే నగరానికి వచ్చాడు.సదరు గోదాములో డెకరేషన్‌ వస్తువులు తయారు చేసేందుకు దాదాపు 10 ఏళ్ల క్రితం తెప్పించిన మిథైల్‌ ఈథైల్‌ కీటోన్‌ పెరాక్సైడ్‌ రసాయన డబ్బా ఉంది. ఆదివారం మధ్యాహ్నం అక్కడి కొందరు స్థానికులు ఆ రసాయన డబ్బాను క్రికెట్ వికెట్లలా వాడుకుని ఆట ముగిశాక అక్కడే వదిలేసి వెళ్ళిపోయారు.సాయంత్రం వేళ అనూప్ ప్రధాన్ ఆ రసాయన డబ్బాను పక్కకు జరపడానికి ప్రయత్నించాడు. ఆ క్రమంలో డబ్బాను ఊపడంతో లోపల ఉన్న రసాయన పదార్థం ఒక్కసారిగా తీవ్రస్థాయిలో పేలిపోయింది.

పేలుడు ధాటికి పెద్ద ఎత్తున మంటలు చెలరేగాయి. పేలుడు తీవ్రత ఎంత ఎక్కువగా ఉందంటే, అనూప్ ప్రధాన్ శరీర భాగాలు ముక్కలై గాల్లోకి ఎగిరిపడ్డాయి. అతని రెండు కాళ్లు ఛిద్రమవగా, ఒక కాలి భాగం ఏకంగా 50 మీటర్ల దూరంలో పడిపోయింది.రసాయన డబ్బా పేలిన శబ్దానికి దాదాపు కిలోమీటరు దూరం వరకు భూమి కంపించినట్లు అనిపించిందని స్థానికులు తెలిపారు.

పోలీసుల చర్యలు

సమాచారం అందుకున్న వెంటనే మీర్‌పేట పోలీసులు, ఏసీపీ ప్రదీప్‌కుమార్‌రెడ్డి, డీసీపీ రాజేష్ మరియు ఇంటెలిజెన్స్ అధికారులు ఘటనా స్థలానికి చేరుకున్నారు.క్లూస్ టీమ్ మరియు బాంబ్ డిటెక్షన్ స్క్వాడ్ నిపుణులు సంఘటనా స్థలాన్ని పరిశీలించి, రసాయన పదార్థం వల్లే ఈ ప్రమాదం జరిగిందని ధృవీకరించారు.గోదాము యజమాని నిర్లక్ష్యం కారణంగానే ఈ ప్రమాదం జరిగిందని పోలీసులు అతనిపై కేసు నమోదు చేసి దర్యాప్తు చేస్తున్నారు.

గోదాములో రసాయన డబ్బాపేలి కార్మికుడు మృతి

ఇవీ చదవండి

నార్సింగిలో ప్రీ స్కూల్ భవనం కూల్చివేత

ఒకే కుటుంబానికి చెందిన ముగ్గురు మృతి

వాహనాల తనిఖీ చేస్తుండగా దూసుకొచ్చిన లారీ

సిఏం సభ స్థలిని పరిశీలించిన భట్టి విక్రమార్క

నాంపల్లి కోర్టుకు హాజరుకానీ హీరో అల్లు అర్జున్

హైదరాబాద్‌లో అదృశ్యమై ఏలూరు లో ప్రత్యక్షమై

రాహుల్ని ప్రధానిగా చూడటమే ప్రతికార్యకర్త లక్ష్యం

వాట్సాప్ వినియోగదారుల కోసం అద్భుతమైన కొత్త ఫీచర్లను మరియు సరికొత్త అప్‌డేట్లను అందుబాటులోకి తెచ్చింది.

రోడ్డు ప్రమాదంలో తాత, మనవడు మృతి

ప్రకాశంలో యువకుడి దారుణ హత్య

Advertisement