Breaking News

కళ్లలో కారం చల్లి కోటి రూపాయల దోపిడీ

హైదరాబాద్‌లోని కూకట్‌పల్లిలో  2026 మార్చి 16వ తేదీ సోమవారం రాత్రి ఒక భారీ దారి దోపిడీ జరిగింది. దుండగులు ఇద్దరు వ్యక్తుల కళ్లలో కారం చల్లి సుమారు కోటి రూపాయల నగదును దోచుకెళ్లారు. 


Published on: 17 Mar 2026 10:20  IST

హైదరాబాద్‌లోని కూకట్‌పల్లిలో  2026 మార్చి 16వ తేదీ సోమవారం రాత్రి ఒక భారీ దారి దోపిడీ జరిగింది. దుండగులు ఇద్దరు వ్యక్తుల కళ్లలో కారం చల్లి సుమారు కోటి రూపాయల నగదును దోచుకెళ్లారు. మార్చి 16, 2026 (సోమవారం) రాత్రి సుమారు 9:40 గంటల సమయంలో ఈ దోపిడీ జరిగింది.కూకట్‌పల్లిలోని మెట్రో పిల్లర్ నంబర్ 837 సమీపంలో, ఏసీపీ  కార్యాలయానికి అతి దగ్గరలోనే ఈ ఘటన చోటుచేసుకుంది.

బహదూర్‌పురాకు చెందిన ఎయిర్ కండీషనర్ మెకానిక్స్ అయిన మహమ్మద్ ఖుస్రూ (42) మరియు మహమ్మద్ అజీముద్దీన్ (38). వీరు తమ ద్విచక్ర వాహనంపై నగదుతో కూడిన 'గోల్డ్ డ్రాప్' ఆయిల్ కార్టన్ బాక్స్‌ను తీసుకువెళ్తుండగా ఈ దాడి జరిగింది.బాధితులు మెట్రో పిల్లర్ వద్దకు చేరుకోగానే, రెండు మోటార్ సైకిళ్లపై వచ్చిన నలుగురు గుర్తుతెలియని వ్యక్తులు వారిని అడ్డుకున్నారు. నిందితులు బాధితుల కళ్లలో ఒక్కసారిగా కారం చల్లి, వారిని అయోమయానికి గురిచేసి కోటి రూపాయల నగదు ఉన్న బాక్సును లాక్కుని పరారయ్యారు.సమాచారం అందుకున్న కూకట్‌పల్లి పోలీసులు వెంటనే రంగంలోకి దిగారు. నిందితులను పట్టుకోవడానికి మరియు నగదును రికవరీ చేయడానికి నాలుగు ప్రత్యేక బృందాలను ఏర్పాటు చేశారు.ఈ నగదు హవాలా  లావాదేవీలకు సంబంధించినది కావచ్చని పోలీసులు అనుమానం వ్యక్తం చేస్తున్నారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement