మాస్కోలోని సెంట్రల్ కుద్రిన్స్కాయ స్క్వేర్ ప్రాంతంలో ఉన్న ‘బాల్జీ రోస్సి’ అనే విలాసవంతమైన ఇటాలియన్ రెస్టారెంట్ వెలుపల భయంకరమైన ఉగ్రవాద దాడి జరిగింది

Published on: 03 Aug 2026 12:39 IST

రష్యా రాజధాని మాస్కోలో శనివారం (ఆగస్టు 1, 2026) రాత్రి ఒక భయంకరమైన ఉగ్రవాద దాడి జరిగింది. మాస్కోలోని సెంట్రల్ కుద్రిన్స్కాయ స్క్వేర్ ప్రాంతంలో ఉన్న ‘బాల్జీ రోస్సి’ అనే విలాసవంతమైన ఇటాలియన్ రెస్టారెంట్ వెలుపల ఈ ప్రమాదం సంభవించింది.
ఈ బాంబు పేలుడులో ముగ్గురు వ్యక్తులు మరణించారు , 21 మంది తీవ్రంగా గాయపడ్డారు.ఒక గుర్తుతెలియని మహిళ తన వద్ద ఉన్న మారణాయుధాన్ని రెస్టారెంట్ లోపలికి తీసుకెళ్లడానికి ప్రయత్నించింది. అయితే, అక్కడ ఉన్న సెక్యూరిటీ గార్డు ఆమెను గేటు వద్దే అడ్డుకున్నాడు. ఆ సమయంలో జరిగిన ఘర్షణలో బాంబు పేలిపోయింది.బాంబును మోసుకొచ్చిన సదరు మహిళ, ఆమెను అడ్డుకున్న సెక్యూరిటీ గార్డు, మరియు అక్కడ ఉన్న ఒక కస్టమర్ ఈ పేలుడులో ప్రాణాలు కోల్పోయారు.ఆ సమయంలో ఆ రెస్టారెంట్‌లో ఒక ప్రైవేట్ పార్టీ జరుగుతోందని, ఉన్నతాధికారులను లక్ష్యంగా చేసుకునే ఈ దాడికి వ్యూహం రచించారని సోషల్ మీడియాలో వార్తలు వస్తున్నాయి. అయితే రష్యా ప్రభుత్వం దీనిపై ఇంకా అధికారిక ప్రకటన చేయలేదు.
మాస్కో మేయర్ సెర్గీ సోబ్యానిన్ ఈ ఘటనను "క్రూరమైన ఉగ్రవాద చర్య"గా అభివర్ణించారు మరియు దీనికి కారణమైన వారిని కఠినంగా శిక్షిస్తామని ప్రకటించారు. ప్రస్తుతం రష్యా నేషనల్ యాంటీ టెర్రరిజం కమిటీ ఈ దాడిపై పూర్తిస్థాయి దర్యాప్తు జరుపుతోంది.

ఇవీ చదవండి

ఉక్రెయిన్ రష్యా భూభాగాలపై వందలాది డ్రోన్లతో భారీ వ్యూహాత్మక దాడులు నిర్వహించింది

పెరూలో జరిగిన ఘోర విమాన ప్రమాదంలో ఇద్దరు పైలట్లతో సహా మొత్తం 13 మంది దుర్మరణం చెందారు

Advertisement