టర్కీ ప్రభుత్వం కుర్దిస్తాన్ వర్కర్స్ పార్టీకి చెందిన వేలాది మంది కుర్దు మిలిటెంట్లకు షరతులతో కూడిన క్షేమాభిక్ష కల్పించే చారిత్రాత్మక బిల్లుపై సంతకం చేసింది. టర్కీ అధ్యక్షుడు రెసెప్ తయ్యిప్ ఎర్డోగాన్ ఈ చట్టాన్ని ఆమోదించగా, 19 ఆగస్టు 2026 నాటి అధికారిక గెజెట్ లో ఇది ప్రచురితమైంది. నాలుగు దశాబ్దాలుగా సాగుతున్న రక్తపాత సంఘర్షణలకు ముగింపు పలికేందుకు ఈ నిర్ణయం ఒక మైలురాయిగా నిలిచింది.

చట్టం యొక్క ముఖ్య నిబంధనలు

షరతులతో కూడిన క్షమాభిక్ష: ఇది అందరికీ వర్తించే సాధారణ క్షమాభిక్ష కాదు. తీవ్రమైన నేరారోపణలు లేని, కేవలం తక్కువ స్థాయి కేడర్ కలిగిన మిలిటెంట్లకు మాత్రమే ఈ చట్టం వర్తిస్తుంది.

శిక్షల నిలిపివేత: లొంగిపోయిన మిలిటెంట్లపై ఉన్న విచారణలు, జైలు శిక్షలను నేర తీవ్రతను బట్టి 5 నుండి 10 సంవత్సరాల పాటు నిలిపివేస్తారు. ఈ కాలంలో వారు ఎలాంటి నేరాలకు పాల్పడకపోతే, వారిపై ఉన్న కేసులను పూర్తిగా కొట్టివేస్తారు.

ప్రారంభ విడత విడుదల: తొలి దశలో భాగంగా జైళ్లలో ఉన్న దాదాపు 3,500 మంది PKK సానుభూతిపరులు లేదా మిలిటెంట్లు విడుదలయ్యే అవకాశం ఉంది.

మినహాయింపులు మరియు పరిమితులు

అబ్దుల్లా ఓకలాన్‌కు క్షమాభిక్ష లేదు: PKK వ్యవస్థాపకుడు మరియు ప్రస్తుతం జైలులో ఉన్న అబ్దుల్లా ఓకలాన్ తో పాటు ఇతర ముఖ్య అగ్రనేతలకు ఈ క్షేమాభిక్ష వర్తించదు.

తీవ్రమైన నేరాలకు నో ఛాన్స్: జూన్ 1, 2005 కంటే ముందు జరిగిన ఘోరమైన హత్యలు ,జీవిత ఖైదు పడిన తీవ్రవాద నేరస్థులకు ఈ చట్టం నుండి మినహాయింపు లేదు.

అమలు ప్రక్రియ

పూర్తి నిరాయుధీకరణ: PKK గ్రూప్ తన ఆయుధాలను పూర్తిగా వదిలివేసి, సంస్థను రద్దు చేసుకున్నట్లు టర్కీ జాతీయ భద్రతా మండలి ధృవీకరించిన తర్వాతే ఈ చట్టం పూర్తి స్థాయిలో అమలులోకి వస్తుంది.

పర్యవేక్షణ కమిటీ: ఈ నిరాయుధీకరణ ప్రక్రియను పర్యవేక్షించడానికి టర్కీ వైస్ ప్రెసిడెంట్ నేతృత్వంలో ఒక ఉన్నత స్థాయి కమిటీ ఏర్పాటైంది. దీని మొదటి సమావేశం ఆగస్టు 24, 2026 న జరగనుంది.

ఈ చట్టం ద్వారా వేలాది మంది మాజీ మిలిటెంట్లు ఆయుధాలు వీడి సాధారణ పౌర జీవితంలోకి తిరిగి రావడానికి మార్గం సుగమమైంది.