ఓపెన్ఏఐ తన ఏఐ మోడళ్లకు శిక్షణ ఇచ్చేందుకు నియమించుకున్న కాంట్రాక్ట్ ఉద్యోగులపై వేటు వేసిన ఉదంతం తీవ్ర చర్చనీయాంశంగా మారింది.

Published on: 25 Sep 2026 16:18 IST

ఓపెన్ఏఐ (OpenAI) తన ఏఐ మోడళ్లకు శిక్షణ ఇచ్చేందుకు నియమించుకున్న కాంట్రాక్ట్ ఉద్యోగులపై వేటు వేసిన ఉదంతం తీవ్ర చర్చనీయాంశంగా మారింది.మానవ ఆలోచనలకు అనుగుణంగా చాట్‌బాట్ సమాధానాలను మెరుగుపరచాల్సిన ఉద్యోగులే, స్వయంగా ఏఐ టూల్స్ ఉపయోగించి ఆ పనిని పూర్తి చేస్తుండటంతో ఓపెన్ఏఐ ఈ కఠిన నిర్ణయం తీసుకుంది.

బాధ్యతలు: చాట్‌జీపీటీ (ChatGPT) లో యూజర్లు అడిగే ప్రశ్నలు, దానికి ఏఐ ఇచ్చే సమాధానాలను పరిశీలించి, అవి మరింత సహజంగా, మనుషులు మాట్లాడినట్లు ఉండేలా రివ్యూ చేయడం ఈ కాంట్రాక్ట్ ఉద్యోగుల పని.

నిబంధనల ఉల్లంఘన: ఇందుకోసం వీరికి గంటకు గరిష్టంగా $50 (దాదాపు ₹4,200) వరకు చెల్లిస్తున్నారు. అయితే, కొంతమంది ఉద్యోగులు తమ సొంత బుద్ధిని ఉపయోగించి రివ్యూలు రాయాల్సింది పోయి, ఇతర ఏఐ టూల్స్ (గ్రామర్లీ వంటివి కూడా) ఉపయోగించి ఆ పనిని కానిచ్చేశారు.

వేటుకు కారణం: ఒక ఏఐ మోడల్‌ను మెరుగుపరచడానికి మరో ఏఐ జనరేట్ చేసిన డేటాను వాడటం వల్ల 'మోడల్ కొల్లాప్స్' జరిగి ఏఐ సామర్థ్యం మరింత దెబ్బతినే ప్రమాదం ఉంది. అందుకే, పనిలో ప్రామాణికత లోపించిందని గుర్తించిన ఓపెన్ఏఐ, నిబంధనలు ఉల్లంఘించిన పలువురు కాంట్రాక్ట్ కార్మికులను ప్రాజెక్టుల నుండి తొలగించింది.

ఏఐ మోడళ్లను మరింత మానవీయంగా మార్చడానికి నియమితులైన వ్యక్తులే, ఏఐని ఆశ్రయించి ఉద్యోగాలు కోల్పోవడం ఐరనీగా మారిందని ఐటీ రంగ నిపుణులు పేర్కొంటున్నారు.

ఇవీ చదవండి

అపోలో హాస్పిటల్స్ ప్రాజెక్ట్స్ డైరెక్టర్‌గా ఉపాసన కామినేని కొణిదెల నియమితులయ్యారు.

కారుతో పాటువాగులో కొట్టుకుపోయిన దంపతులు

పులివెందుల సబ్రిజిస్ట్రార్ ఆఫీస్లో ACBసోదాలు

సీఎం రిలీఫ్ ఫండ్ చెక్కులను అందజేసిన అనిత

బుడమేరుకు పెరుగుతున్న ఉధృతి అధికారుల చర్యలు

Advertisement