Breaking News

దేశ రాజధాని లా పాజ్ సమీపంలోని ఎల్ ఆల్టో వద్ద బొలీవియా వైమానిక దళానికి చెందిన సి-130 హెర్క్యులస్ రవాణా విమానం కుప్పకూలింది.

ఫిబ్రవరి 27, 2026 శుక్రవారం సాయంత్రం (భారత కాలమానం ప్రకారం ఫిబ్రవరి 28 తెల్లవారుజామున) బొలీవియాలో భారీ విమాన ప్రమాదం జరిగింది.


Published on: 28 Feb 2026 11:15  IST

ఫిబ్రవరి 27, 2026 శుక్రవారం సాయంత్రం (భారత కాలమానం ప్రకారం ఫిబ్రవరి 28 తెల్లవారుజామున) బొలీవియాలో భారీ విమాన ప్రమాదం జరిగింది. దేశ రాజధాని లా పాజ్ (La Paz) సమీపంలోని ఎల్ ఆల్టో (El Alto) వద్ద బొలీవియా వైమానిక దళానికి చెందిన సి-130 హెర్క్యులస్ (C-130 Hercules) రవాణా విమానం కుప్పకూలింది. 

ఈ ప్రమాదంలో కనీసం 15 మంది మరణించగా, మరో 30 మందికి పైగా గాయపడ్డారు. మృతుల్లో విమానంలోని సిబ్బందితో పాటు కింద రహదారిపై ఉన్న వాహనదారులు కూడా ఉండవచ్చని తెలుస్తోంది.బొలీవియా సెంట్రల్ బ్యాంక్ నుండి కొత్తగా ముద్రించిన బ్యాంకు నోట్లను (Banknotes) ఈ విమానం శాంటా క్రజ్ నగరం నుండి ఎల్ ఆల్టోకు తరలిస్తోంది. విమానం కూలిన వెంటనే వేల సంఖ్యలో నోట్లు గాలిలో ఎగురుతూ ఘటనా స్థలంలో చెల్లాచెదురుగా పడిపోయాయి.

ప్రమాదం జరిగిన వెంటనే అక్కడికి చేరుకున్న వందలాది మంది స్థానికులు చెల్లాచెదురుగా పడి ఉన్న నోట్లను ఏరుకోవడానికి ఎగబడ్డారు. వారిని అడ్డుకోవడానికి పోలీసులు టియర్ గ్యాస్ మరియు వాటర్ కెనాన్లను ఉపయోగించాల్సి వచ్చింది.

సెంట్రల్ బ్యాంక్ గవర్నర్ డేవిడ్ ఎస్పినోజా ప్రకారము, ఆ నోట్లకు ఇంకా సీరియల్ నంబర్లు వేయలేదని, అందువల్ల వాటికి చట్టబద్ధమైన విలువ (no legal tender status) లేదు. పోలీసులు అదుపులోకి తీసుకున్న నోట్లను అక్కడికక్కడే తగులబెట్టారు.

ఎల్ ఆల్టో అంతర్జాతీయ విమానాశ్రయంలో దిగుతున్న సమయంలో ప్రతికూల వాతావరణం కారణంగా రన్-వే పై నుండి విమానం పక్కకు దూసుకెళ్లి, బిజీగా ఉన్న రహదారిపై పడి వాహనాలను ఢీకొట్టింది. 

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement