కాళేశ్వరం ప్రాజెక్టుపై జరిగిన చర్చ సందర్భంగా బిఆర్ఎస్ ఎంపీ సురేష్ రెడ్డిమరియు కేంద్ర మంత్రి కిషన్ రెడ్డి మధ్య తీవ్ర వాగ్వివాదం

ఏప్రిల్ 2, 2026న రాజ్యసభలో అమరావతి రాజధాని అంశం మరియు కాళేశ్వరం ప్రాజెక్టుపై జరిగిన చర్చ సందర్భంగా బిఆర్ఎస్ ఎంపీ సురేష్ రెడ్డిమరియు కేంద్ర మంత్రి కిషన్ రెడ్డి మధ్య తీవ్ర వాగ్వివాదం చోటుచేసుకుంది.

Published on: 02 Apr 2026 18:41 IST

కాళేశ్వరం ప్రాజెక్టును మాజీ ముఖ్యమంత్రి కెసిఆర్ కుటుంబం ఒక "ఏటీఎం" లా వాడుకుందని కేంద్ర మంత్రి కిషన్ రెడ్డి ఆరోపించారు. దాదాపు రూ. లక్ష కోట్ల ప్రజాధనాన్ని ఇంజనీర్ల సలహాలు కూడా తీసుకోకుండా ఇష్టానుసారంగా ఖర్చు చేశారని ఆయన విమర్శించారు.మేడిగడ్డ బ్యారేజీ పనికిరాకుండా పోవడానికి బిఆర్ఎస్ ప్రభుత్వమే కారణమని, నిపుణుల కమిటీ (NDSA) కూడా ఇదే విషయాన్ని స్పష్టం చేసిందని కిషన్ రెడ్డి పేర్కొన్నారు. కేవలం రెండు పిల్లర్లు కుంగితే ప్రాజెక్టు మొత్తం పనికిరాదని అనడం సరికాదని సురేష్ రెడ్డి దీనిపై అభ్యంతరం వ్యక్తం చేశారు.

తెలంగాణలోని ఏడు మండలాలను ఆంధ్రప్రదేశ్‌లో విలీనం చేసేటప్పుడు కనీసం చర్చ కూడా జరపలేదని సురేష్ రెడ్డి ఆవేదన వ్యక్తం చేశారు. దీనికి కౌంటర్‌గా, ఆనాడు ఏడు మండలాల విలీనానికి కెసిఆర్ అంగీకరించారని, ఆ తర్వాతే ఆయన సోనియా గాంధీ ఇంటికి వెళ్లారని కిషన్ రెడ్డి గుర్తు చేశారు.

కేంద్ర ప్రభుత్వం రెండు రాష్ట్రాలను సమానంగా చూడాలని, తెలంగాణ పట్ల వివక్ష చూపుతోందని సురేష్ రెడ్డి విమర్శించారు. కేంద్ర జలశక్తి శాఖ మంత్రి సీఆర్ పాటిల్ కాళేశ్వరంపై చేసిన వ్యాఖ్యలను ఉపసంహరించుకోవాలని ఆయన డిమాండ్ చేశారు.కెసిఆర్‌ను జైల్లో పెడతానన్న ప్రస్తుత సీఎం రేవంత్ రెడ్డి ఇప్పటివరకు ఎందుకు చర్యలు తీసుకోలేదని కిషన్ రెడ్డి ప్రశ్నించారు. కాంగ్రెస్, బిఆర్ఎస్ మధ్య ఉన్న రహస్య ఒప్పందం వల్లే విచారణ జరగడం లేదని ఆయన ఆరోపించారు.

ఇవీ చదవండి

ధాన్యం కొనుగోలు కేంద్రాలను సద్వినియోగం చేసుకోవాలని కొత్తగూడెం ఎమ్మెల్యే కోరం కనకయ్య సూచించారు

సాధారణ పెట్రోల్ మరియు డీజిల్ ధరలను పెంచే ఆలోచన లేదని కేంద్ర ప్రభుత్వం స్పష్టం

తెలంగాణలో కొత్త ఆర్థిక సంవత్సరం ప్రారంభమైన నేటి నుండి మీసేవ సర్వీస్ ఛార్జీలు భారీగా పెరిగాయి

పారిశ్రామికవేత్త అనిల్ అంబానీ, ఆయన సంస్థ రిలయన్స్ కమ్యూనికేషన్స్ పై సీబీఐ సరికొత్త ఎఫ్ఐఆర్ నమోదు

అమరావతిపైజగన్ వ్యాఖ్యల హాస్యాస్పదం కిరణ్

ఎమ్మెల్యే మహిపాల్ రెడ్డి, శ్రీనివాస్ గౌడ్ సవాళ్లు

Advertisement