Breaking News

హైదరాబాద్ సికింద్రాబాద్‌లోని జూబ్లీ బస్ స్టేషన్ వద్ద మధ్యాహ్నం ఒక TGSRTC ఆర్టీసీ బస్సు ఘోర బీభత్సం సృష్టించింది

హైదరాబాద్ సికింద్రాబాద్‌లోని జూబ్లీ బస్ స్టేషన్ (JBS) వద్ద బుధవారం (3 జూన్ 2026) మధ్యాహ్నం ఒక TGSRTC ఆర్టీసీ బస్సు ఘోర బీభత్సం సృష్టించింది. జేబీఎస్ నుండి కార్ఖానా వైపు అతివేగంగా వెళ్తున్న బస్సు డ్రైవర్ నియంత్రణ కోల్పోవడంతో, అది ప్రయాణికులు, వాహనాల పైకి దూసుకెళ్లింది.


Published on: 03 Jun 2026 18:58  IST

హైదరాబాద్ సికింద్రాబాద్‌లోని జూబ్లీ బస్ స్టేషన్ (JBS) వద్ద బుధవారం (3 జూన్ 2026) మధ్యాహ్నం ఒక TGSRTC ఆర్టీసీ బస్సు ఘోర బీభత్సం సృష్టించింది. జేబీఎస్ నుండి కార్ఖానా వైపు అతివేగంగా వెళ్తున్న బస్సు డ్రైవర్ నియంత్రణ కోల్పోవడంతో, అది ప్రయాణికులు, వాహనాల పైకి దూసుకెళ్లింది.సికింద్రాబాద్ JBS బస్ స్టాండ్ సమీపంలో కార్ఖానా వైపు బైక్‌పై వెళ్తున్న శివ కుమార్ అనే యువకుడు ఈ ప్రమాదంలో తీవ్రంగా గాయపడ్డాడు.బస్సు వేగంగా ఢీకొట్టడంతో శివ కుమార్ తన ద్విచక్ర వాహనంతో సహా బస్సు ముందు చక్రాల కింద ఇరుక్కుపోయాడు. అతని శరీరం సగం భాగం బయటకు ఉండగా, ఒక కాలు బస్సు చక్రం కింద నలిగిపోయింది.

ప్రమాదాన్ని గమనించిన స్థానికులు, తోటి వాహనదారులు మరియు మారేడుపల్లి ట్రాఫిక్ పోలీసులు వెంటనే స్పందించారు.అందరూ కలిసి బస్సును పాక్షికంగా పైకి లేపడానికి ప్రయత్నించారు. ఆ తర్వాత క్రేన్ సహాయంతో బస్సును పక్కకు జరిపి శివను సురక్షితంగా బయటకు తీశారు.కాలికి తీవ్ర గాయాలైన శివను హుటాహుటిన చికిత్స నిమిత్తం సమీపంలోని ఆసుపత్రికి తరలించారు.బస్సు డ్రైవర్ నిర్లక్ష్యపు డ్రైవింగ్ వల్లే ఈ ప్రమాదం జరిగిందని అక్కడున్న ప్రయాణికులు, స్థానికులు తీవ్ర ఆగ్రహం వ్యక్తం చేశారు. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement