మధ్యప్రదేశ్ రాష్ట్రంలోని ఇండోర్ జూ పార్కులో ఏర్పాటు చేసిన భారతదేశపు మొట్టమొదటి 14-D వర్చువల్ జూ మరియు డిజిటల్ జంగిల్ సఫారీ ప్రారంభించబడింది

మధ్యప్రదేశ్ రాష్ట్రంలోని ఇండోర్ జూ పార్కులో ఏర్పాటు చేసిన భారతదేశపు మొట్టమొదటి 14-D వర్చువల్ జూ మరియు డిజిటల్ జంగిల్ సఫారీ, నిన్న అనగా 16 ఆగస్టు 2026 న ప్రారంభించబడింది మరియు నేటి నుండి అనగా 17 ఆగస్టు 2026 నుండి సాధారణ ప్రజల సందర్శనార్థం అందుబాటులోకి వచ్చింది.

Published on: 17 Aug 2026 15:58 IST

మధ్యప్రదేశ్ రాష్ట్రంలోని ఇండోర్ జూ పార్కులో ఏర్పాటు చేసిన భారతదేశపు మొట్టమొదటి 14-D వర్చువల్ జూ మరియు డిజిటల్ జంగిల్ సఫారీ, నిన్న అనగా 16 ఆగస్టు 2026 న ప్రారంభించబడింది మరియు నేటి నుండి అనగా 17 ఆగస్టు 2026 నుండి సాధారణ ప్రజల సందర్శనార్థం అందుబాటులోకి వచ్చింది. మధ్యప్రదేశ్ ముఖ్యమంత్రి డాక్టర్ మోహన్ యాదవ్ ఆదివారం ఈ అత్యాధునిక కేంద్రాన్ని అధికారికంగా ప్రారంభించారు.

వర్చువల్ జూ ముఖ్య విశేషాలు

ఇండోర్‌లోని కమలా నెహ్రూ ప్రాణి సంగ్రహాలయ (ఇండోర్ జూ) ఆవరణలో 8,000 చదరపు అడుగుల విస్తీర్ణంలో దీనిని నిర్మించారు.పబ్లిక్-ప్రైవేట్ పార్టనర్‌షిప్ (PPP) మోడల్‌లో దాదాపు ₹4.5 కోట్ల బడ్జెట్‌తో దీనిని అభివృద్ధి చేశారు.ఇందులో 14-D సినిమా థియేటర్, వర్చువల్ జంగిల్ సఫారీ, మరియు 3-D డోమ్ థియేటర్లు ఉన్నాయి.

స్క్రీన్‌పై వచ్చే దృశ్యాలకు అనుగుణంగా సీట్లు కదలడం ,వర్షపు జల్లులు, మంచు కురవడం, గాలి వీచడం, పొగమంచు, బుడగలు మరియు ప్రకంపనలు వంటి 14 రకాల వాస్తవిక అనుభూతులను సందర్శకులు పొందుతారు.

గొరిల్లా ఆకారపు ప్రవేశ ద్వారం, నియాన్ లైట్లతో కూడిన 3D జంగిల్ పాత్‌వేస్, గ్లో గార్డెన్, జంగిల్ మేజ్ మరియు హనుమంతుడి హోలోగ్రామ్‌తో కూడిన మిర్రర్ బ్రిడ్జ్ ఉన్నాయి.

సందర్శన వివరాలు,టికెట్ ధర

టికెట్ ధర: ఒక వ్యక్తికి కేవలం ₹70 గా నిర్ణయించారు.

సమయాలు: ప్రతి వారం మంగళవారం నుండి ఆదివారం వరకు, ఉదయం 10:00 గంటల నుండి సాయంత్రం 6:00 గంటల వరకు ఇది తెరిచి ఉంటుంది.

షో వివరాలు: ఇక్కడ రోజుకు మొత్తం 16 షోలు ప్రదర్శించబడతాయి. ప్రతి షో వ్యవధి 20 నిమిషాలు ఉంటుంది.

ఇవీ చదవండి

పార్లమెంట్ వర్షాకాల సమావేశాల సందర్భంగా రాజ్యసభలో 'లుంగీవాలా' వ్యాఖ్యల వివాదం తీవ్ర సంచలనం సృష్టించింది

ముంబైలోని కుర్లా-ఘాట్‌కోపర్ సరిహద్దు ప్రాంతంలో భారీ వర్షాల కారణంగా కొండచరియలు విరిగిపడి ఏడుగురు మృతి

ప్రహరీ గోడకూలి పదో తరగతి విద్యార్థిని మృతి

మదనపల్లె రైతులకు న్యాయం చేయాలి

అనంతపురం శింగనమల పర్యటనకు సీఎం

Advertisement