రాజస్థాన్‌కు చెందిన బీజేపీ మాజీ ఎమ్మెల్యే అత్తార్ సింగ్ భదానా గ్రామస్థుల దాడిలో తీవ్రంగా గాయపడి, జైపూర్‌లోని ఎస్‌ఎమ్‌ఎస్ ఆసుపత్రిలో చికిత్స పొందుతూ మరణించారు

రాజస్థాన్‌కు చెందిన బీజేపీ మాజీ ఎమ్మెల్యే అత్తార్ సింగ్ భదానా (68) గ్రామస్థుల దాడిలో తీవ్రంగా గాయపడి, జైపూర్‌లోని ఎస్‌ఎమ్‌ఎస్ ఆసుపత్రిలో చికిత్స పొందుతూ మరణించారు. ఈ దారుణ ఘటన రాజస్థాన్‌లోని భరత్‌పూర్ జిల్లాలో చోటుచేసుకుంది.

Published on: 13 Oct 2026 14:36 IST

రాజస్థాన్‌కు చెందిన బీజేపీ మాజీ ఎమ్మెల్యే అత్తార్ సింగ్ భదానా (68) గ్రామస్థుల దాడిలో తీవ్రంగా గాయపడి, జైపూర్‌లోని ఎస్‌ఎమ్‌ఎస్ ఆసుపత్రిలో చికిత్స పొందుతూ మరణించారు. ఈ దారుణ ఘటన రాజస్థాన్‌లోని భరత్‌పూర్ జిల్లాలో చోటుచేసుకుంది.

వివాదం ఏమిటి: భరత్‌పూర్ జిల్లా భౌండా గ్రామంలో మాజీ ఎమ్మెల్యే అత్తార్ సింగ్‌కు చెందిన ఒక 'స్టోన్ క్రషర్' ప్లాంట్ ఉంది. అది పశువుల మేత భూమి (గోచార్ భూమి) అని, అక్కడ ఆయన అక్రమ మైనింగ్‌కు పాల్పడుతున్నారని స్థానిక గ్రామస్థులు గత కొంతకాలంగా ఆరోపిస్తున్నారు. ఈ వివాదం కారణంగా గత ఏడాది కాలంగా ఆ క్రషర్ మూతపడింది.

కోర్టు అనుమతితో మూతపడిన ఆ క్రషర్‌ను తిరిగి ప్రారంభించడానికి అత్తార్ సింగ్ ఆదివారం సాయంత్రం తన అనుచరులతో కలిసి అక్కడికి చేరుకున్నారు. అయితే, దీనికి వ్యతిరేకంగా గత 15 రోజులుగా గ్రామస్థులు అక్కడ శాంతియుతంగా నిరసన తెలుపుతున్నారు. ఆ సమయంలో ఇరువర్గాల మధ్య తీవ్ర వాగ్వాదం జరిగి ఘర్షణకు దారితీసింది.

కర్రలు, రాళ్లతో దాడి: సుమారు 70 నుంచి 80 మంది గ్రామస్థులు ఏకమై అత్తార్ సింగ్, ఆయన అనుచరుడు గగన్ శర్మపై కర్రలు, రాళ్లతో విచక్షణారహితంగా దాడి చేశారు.

చికిత్స పొందుతూ మృతి: ఈ దాడిలో తీవ్రంగా గాయపడిన అత్తార్ సింగ్‌ను ప్రాథమిక చికిత్స అనంతరం మెరుగైన వైద్యం కోసం జైపూర్‌లోని సవాయ్ మాన్ సింగ్ ఆసుపత్రికి తరలించగా, అక్కడ ఆయన చికిత్స పొందుతూ అర్ధరాత్రి సమయంలో తుదిశ్వాస విడిచారు. ఆయన అనుచరుడు గగన్ శర్మ భరత్‌పూర్ ఆసుపత్రిలో చికిత్స పొందుతున్నారు.

ఈ ఘటనపై పోలీసులు కేసు నమోదు చేసి దర్యాప్తు జరుపుతున్నారు. శాంతిభద్రతలను పరిరక్షించేందుకు గ్రామంలో అదనపు పోలీస్ బలగాలను మోహరించారు.

ఇవీ చదవండి

దసరా, దీపావళి పండుగల సందర్భంగా ప్రయాణికుల భారీ రద్దీని దృష్టిలో ఉంచుకుని దక్షిణ మధ్య రైల్వే (SCR) కీలక నిర్ణయం

హైదరాబాద్‌లో కొత్త ఆసుపత్రి..కాసులిస్తే అనుమతి

హైదరాబాద్‌లో ప్రతిరోజూ 450 నుండి 500 టన్నుల ఆహారం వృధా అవుతోంది

దసరా, దీపావళి పండుగల సందర్భంగా ప్రయాణికుల భారీ రద్దీని దృష్టిలో ఉంచుకుని దక్షిణ మధ్య రైల్వే (SCR) కీలక నిర్ణయం

విజయనగరంలో తెదపాలోకి చేరిన 3500 మంది

Advertisement