Breaking News

పిఠాపురంలో 100 పడకల ఆస్పత్రికి శంకుస్థాపన – పవన్ కల్యాణ్ హామీ అమలులోకి

30 పడకల కమ్యూనిటీ హెల్త్ సెంటర్‌ను 100 పడకల ప్రాంతీయ ఆసుపత్రిగా అభివృద్ధి చేస్తానని ప్రజలకు ఇచ్చిన హామీ ప్రకారం, శుక్రవారం జరిగిన కార్యక్రమంలో పవన్ కల్యాణ్ ఈ పనులకు శ్రీకారం చుట్టారు.


Published on: 25 Apr 2025 17:56  IST

అమరావతి, ఏప్రిల్ 25: ఎన్నికల హామీలను నెరవేర్చడంలో తాను నిలబడతానని చెప్పిన ఆంధ్రప్రదేశ్ ఉపముఖ్యమంత్రి పవన్ కల్యాణ్, మరో అడుగు ముందుకు వేశారు. పిఠాపురంలో 100 పడకల సామూహిక ఆసుపత్రి నిర్మాణానికి శంకుస్థాపన చేసి, ఎన్నికల సమయంలో ఇచ్చిన మాట నిలబెట్టుకున్నారు.ఇప్పటికే ఉన్న 30 పడకల కమ్యూనిటీ హెల్త్ సెంటర్‌ను 100 పడకల ప్రాంతీయ ఆసుపత్రిగా అభివృద్ధి చేస్తానని ప్రజలకు ఇచ్చిన హామీ ప్రకారం, శుక్రవారం జరిగిన కార్యక్రమంలో ఆయన ఈ పనులకు శ్రీకారం చుట్టారు.

ఈ ఆసుపత్రి నిర్మాణానికి సుమారు రూ.34 కోట్లు ఖర్చవుతుంది. ఇందులో రెండు కొత్త బ్లాకులు, అవుట్ పేషెంట్ విభాగం, మార్చురీ, డయాలసిస్ కేంద్రం, రక్త బ్యాంక్, ఆధునిక వైద్య పరికరాలు ఏర్పాటు చేయనున్నారు. దీంతో పిఠాపురం నియోజకవర్గంతో పాటు చుట్టుపక్కల ఆరు మండలాల ప్రజలకు మెరుగైన వైద్య సదుపాయాలు లభించనున్నాయి.పవన్ కల్యాణ్ తెలిపారు – "ఇది కేవలం ఎన్నికల హామీ అమలు మాత్రమే కాదు, ప్రజల ఆరోగ్యాన్ని మెరుగుపర్చే దిశగా మరో బలమైన అడుగు." కూటమి ప్రభుత్వం ఏర్పడి కేవలం తొమ్మిది నెలల కాలంలోనే రూ.100 కోట్లతో అభివృద్ధి పనులు జరగడం గర్వకారణమన్నారు.

ఇక మరోవైపు, ఇటీవల అల్లూరి సీతారామరాజు జిల్లా డుంబ్రిగూడ మండలంలోని పెదపాడు గ్రామంలో ‘అడవితల్లి బాట’ పర్యటన సందర్భంగా స్థానిక ప్రజలకు చెప్పులు లేకపోవడం గమనించిన పవన్ కల్యాణ్, పర్యటన ముగిసిన అనంతరం వారికి చెప్పులు పంపించారు. గ్రామస్తులందరికీ చెప్పులు అందగా, వారు హర్షాతిరేకంగా స్పందించారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement