Breaking News

అరుణాచల్‌ ప్రదేశ్‌ సరిహద్దులో చైనా కొత్త నిర్మాణాలు – భారత్‌కు ఆందోళన

అరుణాచల్‌ ప్రదేశ్‌ సరిహద్దులో చైనా కొత్త నిర్మాణాలు – భారత్‌కు ఆందోళన


Published on: 28 Oct 2025 10:44  IST

భారత్‌ సరిహద్దులో చైనా మరోసారి ఆందోళన కలిగించే చర్యలకు పాల్పడింది. అరుణాచల్‌ ప్రదేశ్‌కు ఆనుకుని ఉన్న ప్రాంతాల్లో చైనా గోప్యంగా భారీ నిర్మాణాలు చేపట్టినట్లు తాజా సమాచారం వెల్లడించింది. మెక్‌మహాన్‌ లైన్‌ సమీపంలో చైనా సుమారు 36 ఎయిర్‌క్రాఫ్ట్‌ షెల్టర్లతో పాటు కొత్త పరిపాలనా భవనాలు, సైనిక స్థావరాలను ఏర్పాటు చేసినట్లు ఉపగ్రహ చిత్రాలు సూచిస్తున్నాయి.

తవాంగ్‌ పట్టణం నుంచి సుమారు 107 కిలోమీటర్ల దూరంలో ఉన్న లుంజ్‌ ప్రాంతం నుంచి భారత సరిహద్దు దాకా ఈ నిర్మాణాలు విస్తరించాయి. వీటితో చైనా తక్కువ సమయ వ్యవధిలో యుద్ధవిమానాలు, డ్రోన్లను ప్రయోగించే అవకాశం పొందుతుందని రక్షణ నిపుణులు చెబుతున్నారు. ఇది భారత్‌ ప్రతిస్పందన సమయాన్ని తగ్గించవచ్చని వారు హెచ్చరిస్తున్నారు.

ఉపగ్రహ నివేదికల ప్రకారం, ఈ కొత్త షెల్టర్లు భారీ ఆయుధాలు, బాంబర్లు, ఫైటర్‌ జెట్లను నిల్వ చేసే సామర్థ్యాన్ని కలిగి ఉన్నాయని తెలుస్తోంది. ఈ నిర్మాణాలు లాసా సహా చైనాలోని ఇతర ఎయిర్‌బేస్‌లకు వ్యూహాత్మక బలం చేకూర్చే అవకాశం ఉందని విశ్లేషకులు అభిప్రాయపడుతున్నారు.

ఈ పరిణామాల వల్ల భారత-చైనా సరిహద్దు ప్రాంతంలో మరోసారి ఉద్రిక్తతలు పెరిగే అవకాశం ఉందని రక్షణ వర్గాలు ఆందోళన వ్యక్తం చేస్తున్నాయి.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement