ఇంకెన్నాళ్ళు తెలంగాణ సెంటిమెంట్‌తో రాజకీయాలు చేస్తారు అని ఎమ్మెల్యే కడియం శ్రీహరి బీఆర్ఎస్ నాయకులను నిలదీశారు.

తెలంగాణ మాజీ ఉపముఖ్యమంత్రి, స్టేషన్ ఘన్‌పూర్ ఎమ్మెల్యే కడియం శ్రీహరి ఫిబ్రవరి 19, 2026న బీఆర్ఎస్ అధినేత కేసీఆర్ మరియు ఆ పార్టీ అనుసరిస్తున్న "తెలంగాణ సెంటిమెంట్" రాజకీయాలపై ఘాటు వ్యాఖ్యలు చేశారు.

Published on: 19 Feb 2026 18:25 IST

"ఇంకెన్నాళ్ళు తెలంగాణ సెంటిమెంట్‌తో రాజకీయాలు చేస్తారు?" అని ఆయన బీఆర్ఎస్ నాయకులను నిలదీశారు. తెలంగాణ సెంటిమెంట్‌ను అడ్డుపెట్టుకుని చౌకబారు రాజకీయాలు చేయడం మానుకోవాలని హితవు పలికారు.

కేసీఆర్‌ను 'తెలంగాణ జాతిపిత'గా అభివర్ణించడాన్ని ఆయన తీవ్రంగా ఆక్షేపించారు. "జాతిపిత అయితే ఎందుకు ప్రజల్లోకి రావడం లేదు? ప్రజా సమస్యలపై అసెంబ్లీలో ఎందుకు చర్చించడం లేదు?" అని ప్రశ్నించారు. భారతదేశానికి జాతిపిత మహాత్మా గాంధీ ఒక్కరేనని ఆయన స్పష్టం చేశారు.

కేసీఆర్ కుటుంబం వేల కోట్ల అక్రమ ఆస్తులు సంపాదించిందని, కాళేశ్వరం వంటి ప్రాజెక్టులను కూలిపోయేలా నిర్మించి రాష్ట్రాన్ని దివాలా తీయించారని ఆరోపించారు. 2014కు ముందు వారి ఆస్తులెన్ని, ఇప్పుడెన్ని ఉన్నాయో ప్రజల ముందు పెట్టాలని డిమాండ్ చేశారు.అధికారం కోల్పోయినప్పటికీ బీఆర్ఎస్ నేతల్లో అహంకారం తగ్గలేదని, వారి మాట తీరులో మార్పు రాలేదని, అందుకే ప్రజలు వారిని తిరస్కరిస్తున్నారని విమర్శించారు

ఇవీ చదవండి

యాదగిరిగుట్ట శ్రీ లక్ష్మీనరసింహస్వామి వారి వార్షిక బ్రహ్మోత్సవాలు బుధవారం అత్యంత వైభవంగా ప్రారంభమయ్యాయి

ఛత్రపతి శివాజీ విగ్రహ ప్రతిష్టాపనకు భూమి పూజ

కరీంనగర్ జిల్లా కోర్టులో బాంబు బెదిరింపు

భారతదేశంలోని విద్యార్థుల కోసం Adobe సంస్థ తమ ప్రీమియం సాఫ్ట్‌వేర్‌లను ఉచితంగా అందించనున్నట్లు ప్రకటించింది

Advertisement