Breaking News

జమ్మూ కాశ్మీర్ మాజీ ముఖ్యమంత్రి, నేషనల్ కాన్ఫరెన్స్ అధ్యక్షుడు ఫరూక్ అబ్దుల్లాపై బుధవారం రాత్రి జమ్మూలో హత్యాయత్నం

జమ్మూ కాశ్మీర్ మాజీ ముఖ్యమంత్రి, నేషనల్ కాన్ఫరెన్స్ అధ్యక్షుడు ఫరూక్ అబ్దుల్లాపై 2026, మార్చి 11 బుధవారం రాత్రి జమ్మూలో తుపాకి తో దాడి జరిగింది.జమ్మూలోని గ్రేటర్ కైలాష్ ప్రాంతంలో ఉన్న 'రాయల్ పార్క్' మ్యారేజ్ హాల్‌లో ఒక వివాహ వేడుకకు హాజరై తిరిగి వస్తుండగా ఈ దాడి జరిగింది.


Published on: 12 Mar 2026 10:51  IST

జమ్మూ కాశ్మీర్ మాజీ ముఖ్యమంత్రి, నేషనల్ కాన్ఫరెన్స్ అధ్యక్షుడు ఫరూక్ అబ్దుల్లాపై 2026, మార్చి 11 బుధవారం రాత్రి జమ్మూలో తుపాకి తో దాడి జరిగింది.జమ్మూలోని గ్రేటర్ కైలాష్ ప్రాంతంలో ఉన్న 'రాయల్ పార్క్' మ్యారేజ్ హాల్‌లో ఒక వివాహ వేడుకకు హాజరై తిరిగి వస్తుండగా ఈ దాడి జరిగింది.

అబ్దుల్లా వేడుక ముగించుకుని బయటకు వస్తుండగా, ఒక వ్యక్తి వెనుక నుంచి వచ్చి పాయింట్-బ్లాంక్ రేంజ్‌లో పిస్టల్‌తో కాల్పులు జరిపేందుకు ప్రయత్నించాడు. అప్రమత్తమైన ఎన్‌ఎస్‌జీ (NSG) మరియు భద్రతా సిబ్బంది ఆ వ్యక్తిని అడ్డుకోవడంతో ఆయన ప్రాణాపాయం నుండి తప్పించుకున్నారు.

పట్టుబడిన వ్యక్తిని జమ్మూలోని పురానీ మండీకి చెందిన 63 ఏళ్ల కమల్ సింగ్ జమ్వాల్గా పోలీసులు గుర్తించారు.గత 20 ఏళ్లుగా ఫరూక్ అబ్దుల్లాను చంపాలని ప్లాన్ చేస్తున్నానని, అవకాశం కోసం ఎదురుచూస్తున్నానని నిందితుడు విచారణలో పేర్కొన్నాడు.ఫరూక్ అబ్దుల్లా సురక్షితంగా ఉన్నారు. ఆయన వెంట ఉన్న జమ్మూ కాశ్మీర్ ఉప ముఖ్యమంత్రి సురీందర్ చౌదరికి స్వల్ప గాయాలైనట్లు సమాచారం.

Z+ సెక్యూరిటీ మరియు ఎన్‌ఎస్‌జీ రక్షణలో ఉన్న ఒక సీనియర్ నాయకుడికి అంత సమీపంలోకి తుపాకీతో ఒక వ్యక్తి ఎలా రాగలిగాడనే దానిపై ముఖ్యమంత్రి ఒమర్ అబ్దుల్లా తీవ్ర ఆందోళన వ్యక్తం చేస్తూ భద్రతా లోపాలను ప్రశ్నించారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement