కరీంనగర్ ప్రజలకు గుడ్ న్యూస్.. జమ్మికుంటలో ఆగనున్న ఆ మూడు రైళ్లు..

Published on: 04 Sep 2025 10:10 IST

కరీంనగర్ ప్రజల దీర్ఘకాల డిమాండ్ నెరవేరింది. జమ్మికుంట రైల్వే స్టేషన్‌లో అదనంగా మూడు రైళ్లను ఆపేందుకు రైల్వే శాఖ నిర్ణయం తీసుకుంది. దీంతో ఈ ప్రాంత ప్రయాణికులకు రవాణా సౌకర్యం మరింత మెరుగవనుంది.

జమ్మికుంటలో ఆగబోయే రైళ్లు

దక్షిణ్ సూపర్ ఫాస్ట్ ఎక్స్‌ప్రెస్
హైదరాబాద్‌ నుంచి హజ్రత్ నిజాముద్దీన్ వెళ్తున్న రైలు → రాత్రి 1:34 గంటలకు జమ్మికుంట చేరుతుంది.హజ్రత్ నిజాముద్దీన్ నుంచి హైదరాబాద్‌కు వచ్చే రైలు → రాత్రి 11:19 గంటలకు జమ్మికుంటలో ఆగుతుంది.
రాయపూర్ సూపర్ ఫాస్ట్ ఎక్స్‌ప్రెస్
సికింద్రాబాద్‌ నుంచి రాయపూర్ వెళ్తున్న రైలు → రాత్రి 1:04 గంటలకు జమ్మికుంట చేరుతుంది.

ఈ మూడు రైళ్లు జమ్మికుంట స్టేషన్‌లో కేవలం ఒక నిమిషం పాటు మాత్రమే ఆగుతాయి.
రైళ్లు నిలిచే తేదీలపై పూర్తి వివరాలను దక్షిణ మధ్య రైల్వే శాఖ త్వరలో అధికారిక నోటిఫికేషన్‌లో ప్రకటించనుంది.

ప్రజల డిమాండ్‌కి న్యాయం

జమ్మికుంటలో రైళ్లు ఆగాలని చాలా కాలంగా ప్రజలు కోరుతున్నారు. ఈ సమస్యను పరిష్కరించేందుకు కేంద్ర సహాయ మంత్రి బండి సంజయ్ కుమార్ రైల్వే ఉన్నతాధికారులను పలుమార్లు కలిశారు. రైల్వే శాఖ మంత్రి అశ్వినీ వైష్ణవ్తో కూడా ఆయన స్వయంగా సమావేశమై, ఈ డిమాండ్‌ను ముందుకు పెట్టారు. వారి సానుకూల స్పందనతో ఈ నిర్ణయం తీసుకోబడింది.

బండి సంజయ్ స్పందన

రైల్వే శాఖ తీసుకున్న ఈ నిర్ణయంపై బండి సంజయ్ సంతోషం వ్యక్తం చేశారు. కరీంనగర్ పార్లమెంట్ పరిధిలోని ప్రజలకు ఇది చాలా ప్రయోజనం చేకూరుస్తుందని పేర్కొన్నారు. రైల్వే మంత్రి, సంబంధిత అధికారులకు ధన్యవాదాలు తెలిపారు.