హైదరాబాద్‌లోని మాదాపూర్‌లో శ్రీ చైతన్య కళాశాల హాస్టల్‌లో ఇంటర్ విద్యార్థిని పూజారెడ్డి ఉరివేసుకుని ఆత్మహత్య

హైదరాబాద్‌లోని మాదాపూర్‌లో మే 13, 2026న శ్రీ చైతన్య కళాశాల హాస్టల్‌లో ఇంటర్ విద్యార్థిని పూజారెడ్డి (16) ఉరివేసుకుని ఆత్మహత్య చేసుకుంది.

Published on: 13 May 2026 19:35 IST

హైదరాబాద్‌లోని మాదాపూర్‌లో మే 13, 2026న శ్రీ చైతన్య కళాశాల హాస్టల్‌లో ఇంటర్ విద్యార్థిని పూజారెడ్డి (16) ఉరివేసుకుని ఆత్మహత్య చేసుకుంది.మృతురాలిని సూర్యాపేట జిల్లా కోదాడకు చెందిన పూజారెడ్డిగా గుర్తించారు. ఆమె మాదాపూర్ అయ్యప్ప సొసైటీ (పార్వత్ నగర్) పరిధిలోని శ్రీ చైతన్య జూనియర్ కాలేజీ సరస్వతి క్యాంపస్ హాస్టల్‌లో ఉంటున్నారు.పూజారెడ్డి ఇంటర్మీడియట్ మొదటి సంవత్సరం (MPC) పరీక్షల్లో 470 మార్కులకు గాను 389 మార్కులతో ఉత్తీర్ణత సాధించారు. అయితే, మరిన్ని మార్కుల కోసం (బెటర్మెంట్ పరీక్షల కోసం) దరఖాస్తు చేసుకున్నారు.

మే 13, 2026 (బుధవారం) నుండి బెటర్మెంట్ పరీక్షలు ప్రారంభం కావాల్సి ఉంది. పరీక్షకు హాజరుకావడానికి కొన్ని గంటల ముందు, మంగళవారం రాత్రి తన హాస్టల్ గదిలో ఎవరూ లేని సమయంలో చున్నీతో సీలింగ్ ఫ్యాన్‌కు ఉరివేసుకుంది.

తోటి విద్యార్థులు గమనించి హాస్టల్ వార్డెన్‌కు సమాచారం అందించగా, యాజమాన్యం పోలీసులకు ఫిర్యాదు చేసింది.ఘటనా స్థలానికి చేరుకున్న మాదాపూర్ పోలీసులు కేసు నమోదు చేసుకుని, మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు.పరీక్షల భయం, చదువుల ఒత్తిడి కారణంగానే ఆమె ఈ బలవన్మరణానికి పాల్పడి ఉండవచ్చని పోలీసులు ప్రాథమికంగా అనుమానిస్తున్నారు. మృతురాలి తండ్రి గోపిరెడ్డి ఇచ్చిన ఫిర్యాదు మేరకు పోలీసులు పూర్తి స్థాయి దర్యాప్తు జరుపుతున్నారు.

ఇవీ చదవండి

కేంద్ర సహాయ మంత్రి బండి సంజయ్ కుమారుడు బండి భగీరథ్ నేడు పోలీసుల విచారణకు గైర్హాజరయ్యారు

ప్రముఖ కన్నడ నటుడు, నిర్మాత దిలీప్ రాజ్ (47) బుధవారం తెల్లవారుజామున గుండెపోటుతో అకాల మరణం

మంత్రాలయంలో భారీ అగ్నిప్రమాదం

భారతదేశానికి ముడి చమురు సరఫరా చేయడంలో ఎలాంటి ఆటంకాలు రానివ్వబోమని రష్యా కీలక హామీ ఇచ్చింది

Advertisement