లండన్‌లో ఉన్నత చదువుల కోసం వెళ్లిన తెలంగాణకు చెందిన విద్యార్థి షాపుసాని శ్రీనాథ్ రెడ్డి అనుమానాస్పద స్థితిలో మృతి

లండన్‌లో ఉన్నత చదువుల కోసం వెళ్లిన తెలంగాణకు చెందిన విద్యార్థి షాపుసాని శ్రీనాథ్ రెడ్డి (25) అనుమానాస్పద స్థితిలో మృతి చెందారు. మృతుడు శ్రీనాథ్ రెడ్డి తెలంగాణలోని కామారెడ్డి జిల్లా, రాజంపేట మండలం, తలమడ్ల గ్రామానికి చెందిన సావుసాని మధుసూదన్ రెడ్డి, మంజుల దంపతుల కుమారుడు.

Published on: 26 Jun 2026 18:56 IST

లండన్‌లో ఉన్నత చదువుల కోసం వెళ్లిన తెలంగాణకు చెందిన విద్యార్థి షాపుసాని శ్రీనాథ్ రెడ్డి (25) అనుమానాస్పద స్థితిలో మృతి చెందారు. మృతుడు శ్రీనాథ్ రెడ్డి తెలంగాణలోని కామారెడ్డి జిల్లా, రాజంపేట మండలం, తలమడ్ల గ్రామానికి చెందిన సావుసాని మధుసూదన్ రెడ్డి, మంజుల దంపతుల కుమారుడు.అతను లండన్‌లోని లీసెస్టర్ యూనివర్సిటీలో ఎంఎస్ (MS) రెండో సంవత్సరం చదువుతున్నాడు.

ఈనెల 22వ తేదీ రాత్రి శ్రీనాథ్ రెడ్డి తన స్నేహితుడి పుట్టినరోజు వేడుకల కోసం వెళ్లాడు. పార్టీ ముగిసిన తర్వాత రాత్రి ఆ స్నేహితుడి గదిలోనే నిద్రించాడు. మరుసటి రోజు ఉదయం స్నేహితులు చూసేసరికి అతను విగతజీవిగా పడి ఉన్నాడు.

విషాద ఛాయలు: లండన్‌లోని శ్రీనాథ్ రెడ్డి స్నేహితులు మరియు బంధువులు ఈ సమాచారాన్ని స్వగ్రామంలోని తల్లిదండ్రులకు ఫోన్ ద్వారా తెలియజేశారు. ఉన్నత చదువులు చదివి మంచి స్థాయికి వస్తాడనుకున్న కొడుకు హఠాన్మరణం చెందడంతో తలమడ్ల గ్రామంలో తీవ్ర విషాదం నెలకొంది.

పోలీస్ దర్యాప్తు: ఈ ఘటనపై లండన్ పోలీసులు కేసు నమోదు చేసుకుని దర్యాప్తు జరుపుతున్నారు.

కుటుంబ సభ్యుల విజ్ఞప్తి: శ్రీనాథ్ రెడ్డి మృతదేహాన్ని వీలైనంత త్వరగా స్వదేశానికి రప్పించేలా చర్యలు తీసుకోవాలని, అలాగే మరణానికి గల కారణాలపై పూర్తి విచారణ జరిపించాలని బాధితుడి కుటుంబ సభ్యులు కేంద్ర, రాష్ట్ర ప్రభుత్వాలకు మరియు విదేశాంగ శాఖకు విజ్ఞప్తి చేస్తున్నారు.

ఇవీ చదవండి

పాతబస్తీ 'గోల్డ్‌మ్యాన్‌పై పోలీసుల రెండు కొత్తకేసులు

హైదరాబాద్ ఐటీ కారిడార్ పరిధిలోని గచ్చిబౌలి ఏఎంబీ మాల్ ఫ్లైఓవర్‌పై ఉదయం ఘోర రోడ్డు ప్రమాదం

కేంద్ర విదేశాంగ శాఖ ప్రకటించిన నూతన నిబంధనల ప్రకారం భారతదేశంలో పాస్‌పోర్ట్ దరఖాస్తు ఫీజులు భారీగా పెరిగాయి

Advertisement