వ్యవసాయం, వ్యాపారం లేదా ఉద్యోగం చేస్తున్న ప్రతి ఒక్కరూ భవిష్యత్తు కోసం రిస్క్ లేకుండా ఒక భద్రమైన పొదుపు పథకాన్ని ఎంచుకోవాలనుకుంటారు. అటువంటి వారి కోసం పబ్లిక్ ప్రావిడెంట్ ఫండ్ (PPF) చాలా మంచి ఆప్షన్‌గా నిలుస్తుంది. ఇది భారత కేంద్ర ప్రభుత్వం ద్వారా నడపబడే ఓ నమ్మకమైన పొదుపు పథకం.

PPF అంటే ఏమిటి?

PPF అనేది పొదుపు  పెంపొందించేందుకు 1968లో ప్రవేశపెట్టిన ప్రభుత్వ పథకం. దీని ప్రధాన లక్ష్యం ప్రజలకు దీర్ఘకాలిక ఆర్థిక భద్రత కల్పించడమే.
ఈ ఖాతా వ్యవధి 15 సంవత్సరాలు. కానీ, మీరు దానిని 5 సంవత్సరాల చొప్పున పొడిగించుకునే అవకాశమూ ఉంది.

ఇది ఎందుకు ప్రత్యేకం?

• పెట్టుబడి భద్రత: ప్రభుత్వం నడిపే స్కీమ్ కావడంతో మీ డబ్బు పూర్తిగా భద్రమే.

• పన్ను మినహాయింపు: మీరు ఏటా వేసే డబ్బుపై Income Tax Act - 80C సెక్షన్ కింద రూ.1.5 లక్షల వరకు పన్ను మినహాయింపు లభిస్తుంది.

• వడ్డీ రేటు: ప్రస్తుతానికి ఈ పథకంపై 7.1% వార్షిక వడ్డీ అందుతోంది. ఇది ప్రతి త్రైమాసికం రీత్యా సమీక్షించబడుతుంది.

• సంపూర్ణ ట్యాక్స్ మాఫీ: PPFపై వచ్చిన వడ్డీకి కూడా పన్ను మినహాయింపు ఉంటుంది.

• పిల్లల పేరుతోనూ ఈ ఖాతాను ప్రారంభించవచ్చు.

• దీర్ఘకాలికంగా ఇది రిటైర్మెంట్ ప్లాన్‌గా పనిచేస్తుంది.

• పీపీఎఫ్ ఖాతా మీద పొందే మొత్తమంతా ట్యాక్స్ ఫ్రీ.

నెలకు లక్ష రూపాయల ఆదాయం ఎలా సాధ్యపడుతుంది?

మీరు ప్రతి సంవత్సరం గరిష్టంగా అనుమతించబడిన రూ.1.5 లక్షలు ఈ పథకంలో 33 ఏళ్ల పాటు ఇన్వెస్ట్ చేస్తే, మీరు మొత్తం రూ.49.5 లక్షలు డిపాజిట్ చేసినట్లవుతుంది.

• ఈ డబ్బుపై వడ్డీ రూపంలో సుమారు రూ.1.45 కోట్లు లభిస్తుంది.

• మొత్తంగా మీరు పొందే మొత్తం సుమారు రూ.1.95 కోట్లు అవుతుంది.

• ఈ మొత్తాన్ని వడ్డీగా మార్చుకుంటే, ప్రతి ఏడాది రూ.16.25 లక్షలు, అంటే నెలకు సుమారు రూ.1.15 లక్షలు పన్ను లేకుండా పొందవచ్చు.

15 ఏళ్ల తర్వాత మీ ఎంపికలు

PPF ఖాతా 15 సంవత్సరాలు పూర్తయిన తర్వాత రెండు మార్గాలు ఉన్నాయి:

1. కొత్తగా డిపాజిట్లు లేకుండా ఖాతాను కొనసాగించడం – ఈ పరిస్థితిలో, మీరు ఇప్పటి వరకు ఉన్న మొత్తంపైన వడ్డీ పొందుతారు.

2. మళ్లీ డిపాజిట్లు కొనసాగించడం – ఇలా చేస్తే వడ్డీపై కూడా వడ్డీ లభిస్తుంది, దీర్ఘకాలంలో ఇది మంచి లాభం ఇస్తుంది.

మీ భవిష్యత్‌ను ఆర్థికంగా భద్రంగా ఉంచుకోవాలంటే పీపీఎఫ్ ఒక అద్భుతమైన ఎంపిక. ముఖ్యంగా చిన్న పెట్టుబడిదారులకు ఇది మరింత ఉపయుక్తంగా ఉంటుంది. రిస్క్ లేకుండా, పన్ను మినహాయింపు, నికర ఆదాయంలో స్థిరత – ఇవన్నీ ఈ స్కీంను ప్రత్యేకంగా నిలబెడుతున్న లక్షణాలు.