రైళ్లలో వేగవంతమైన ప్రయాణాన్ని కోరే వారికి ఓ శుభవార్త. విజయవాడ-బెంగళూరు మార్గంలో వందే భారత్ ఎక్స్‌ప్రెస్ నడిపే అవకాశాలు జోరుగా కనిపిస్తున్నాయి. ఇప్పటికే రైల్వే శాఖ ఆధారంగా ప్రాథమిక ప్రతిపాదనలు సిద్ధమైనట్టు సమాచారం. ప్రయాణ సమయాన్ని తగ్గించే లక్ష్యంతో ఈ రైలు రూపొందించనున్నారు.

ప్రస్తుతం విజయవాడ నుంచి బెంగళూరు చేరాలంటే రాత్రంతా ప్రయాణించాల్సిన అవసరం ఉంటుంది. కానీ వందే భారత్ రైలు ప్రారంభమైతే దాదాపు మూడు గంటల సమయం ఆదా కానుంది. సుమారు తొమ్మిది గంటల్లో ప్రయాణం పూర్తయ్యేలా షెడ్యూల్ రూపొందిస్తున్నారు.

ఈ కొత్త వందే భారత్ రైలు (20711), వారం రోజులలో ఆరు రోజులు, మంగళవారం మినహాయించి నడిచేలా ఉండనుంది. మొత్తం 8 బోగీలతో, అందులో 7 AC చైర్‌కార్‌లు, 1 ఎగ్జిక్యూటివ్ చైర్‌కార్ ఉండనున్నాయి. విజయవాడ నుంచి ఈ రైలు ఉదయం 5.15 గంటలకు బయలుదేరి, మధ్యలో తెనాలి, ఒంగోలు, నెల్లూరు, తిరుపతి, చిత్తూరు, కాట్పాడి, కృష్ణరాజపురం స్టేషన్లలో ఆగుతూ, దోపిడి 2.15 గంటలకు బెంగళూరు (SMVT)కి చేరుతుంది.

అలాగే తిరుగు ప్రయాణంలో అదే రైలు (20712) బెంగళూరు నుంచి మధ్యాహ్నం 2.45 గంటలకు బయలుదేరి, అదే మార్గంలో పలు స్టేషన్లలో ఆగుతూ, రాత్రి 11.45 గంటలకు విజయవాడకు చేరుకుంటుంది.

ఇప్పటి వరకు విజయవాడ నుంచి బెంగళూరుకు నేరుగా వెళ్ళే రైలు ఎంపికలు పరిమితంగానే ఉన్నాయి. ప్రధానంగా మచిలీపట్నం నుంచి యశ్వంతపూర్‌కు వెళ్లే కొండవీడు ఎక్స్‌ప్రెస్‌ వారం రోజుల్లో మూడు సార్లు మాత్రమే నడుస్తోంది. ఇది ప్రయాణికులకు పెద్ద సమస్యగా మారింది. ముఖ్యంగా తిరుపతికి వెళ్లే భక్తులకు, IT ఉద్యోగులకూ వందే భారత్ రైలు ఎంతో ఉపయుక్తంగా మారనుంది.

ప్రయాణికులకు అదనపు లాభాలు:

• వేగవంతమైన ప్రయాణం

• మరింత స్వచ్ఛమైన, ఆధునిక సౌకర్యాలున్న రైలు

• రోజువారీ ప్రయాణాలకు అనుకూలమైన టైమింగ్స్

• తిరుపతి పుణ్యక్షేత్రం వెళ్లే భక్తులకు సులభతరం

వందే భారత్ ఎక్స్‌ప్రెస్ విజయవాడ-బెంగళూరు మార్గంలో నడవడం కేవలం ప్రయాణ వేగమే కాదు, భవిష్యత్ రవాణా అభివృద్ధికి దోహదపడే కీలక అడుగు. ఇది కార్యరూపం దాలిస్తే, రెండు నగరాల మధ్య ఆర్ధిక, సామాజిక సంబంధాలు మరింత బలపడతాయి. ఇక, ప్రయాణీకుల కష్టాలైనా తీరిపోతాయి!