ఎల్లంపల్లి ప్రాజెక్టుకు భారీగా వరద నీరు

పెద్దపల్లి జిల్లాలోని శ్రీపాద ఎల్లంపల్లి ప్రాజెక్టుకు ఎగువ ప్రాంతాల నుండి భారీగా వరద నీరు వచ్చి చేరుతుండటంతో జలాశయం జలకళను సంతరించుకుంది. నిన్న మొదటగా 15 గేట్లను ఎత్తిన అధికారులు, వరద ఉధృతి మరింత పెరగడంతో రాత్రి సమయానికి మొత్తం 30 గేట్లను ఎత్తి దిగువన ఉన్న గోదావరి నదిలోకి నీటిని విడుదల చేస్తున్నారు.

Published on: 31 Jul 2026 14:15 IST

పెద్దపల్లి జిల్లాలోని శ్రీపాద ఎల్లంపల్లి ప్రాజెక్టుకు ఎగువ ప్రాంతాల నుండి భారీగా వరద నీరు వచ్చి చేరుతుండటంతో జలాశయం జలకళను సంతరించుకుంది. నిన్న మొదటగా 15 గేట్లను ఎత్తిన అధికారులు, వరద ఉధృతి మరింత పెరగడంతో రాత్రి సమయానికి మొత్తం 30 గేట్లను ఎత్తి దిగువన ఉన్న గోదావరి నదిలోకి నీటిని విడుదల చేస్తున్నారు.

ప్రాజెక్టు ప్రస్తుత వరద వివరాలు:

ఇన్‌ఫ్లో : ప్రాజెక్టులోకి సుమారు 4,16,358 క్యూసెక్కుల భారీ వరద నీరు వచ్చి చేరుతోంది. ఎగువన కురుస్తున్న వర్షాలతో పాటు కడెం ప్రాజెక్టు గేట్లు ఎత్తడం వల్ల ఈ స్థాయిలో వరద వస్తోంది.

ఔట్‌ఫ్లో : మొత్తం 30 గేట్ల ద్వారా దిగువ గోదావరిలోకి 3,74,275 క్యూసెక్కుల నీటిని విడుదల చేస్తున్నారు.

నీటి నిల్వ సామర్థ్యం: ప్రాజెక్టు పూర్తిస్థాయి నీటి నిల్వ సామర్థ్యం 20.175 టీఎంసీలు కాగా, ప్రస్తుతం 19.703 టీఎంసీల నీరు నిల్వ ఉంది.

ప్రస్తుత నీటిమట్టం: గరిష్ఠ నీటిమట్టం 148 మీటర్లు కాగా, ప్రస్తుతం జలాశయం 147.70 మీటర్ల వద్ద నిండు కుండలా మారింది.

ఇతర అవసరాలకు నీటి తరలింపు:

నంది పంప్ హౌస్ ద్వారా గాయత్రి పంప్ హౌస్, అక్కడి నుండి మిడ్ మానేరు ప్రాజెక్టుకు 15,750 క్యూసెక్కుల నీటిని ఎత్తిపోస్తున్నారు.

హైదరాబాద్ తాగునీటి అవసరాల నిమిత్తం మెట్రోపాలిటన్ వాటర్ స్కీమ్ కోసం 275 క్యూసెక్కుల నీటిని తరలిస్తున్నారు.

అధికారుల హెచ్చరికలు:

భారీగా నీటిని విడుదల చేస్తున్న నేపథ్యంలో ఎల్లంపల్లి ప్రాజెక్టు దిగువ ప్రాంతాల ప్రజలను, నది పరివాహక గ్రామాల ప్రజలను అధికారులు అప్రమత్తం చేశారు. మత్స్యకారులు, గొర్రెల కాపరులు మరియు రైతులు ఎవ్వరూ గోదావరి నది వైపు వెళ్లవద్దని వార్తా సంస్థ ద్వారా హెచ్చరించారు.

ఎల్లంపల్లి ప్రాజెక్టుకు భారీగా వరద నీరు

ఇవీ చదవండి

కాళేశ్వరం త్రివేణి సంగమం వద్ద జలకళ

విద్యుదాఘాతానికి గురై వ్యవసాయ కూలీ మృతి

చెక్ డ్యామ్ను పరిశీలించిన ఎమ్మెల్యే పోచారం

నారపల్లిలో 980 కిలోల కల్తీ పనీర్ స్వాధీనం

యాపిల్ పండ్ల డీసీఎం బోల్తా..ఎగబడిన జనం

నిర్మల్ కడెం ప్రాజెక్టుకు భారీగా వరద నీరు

వరంగల్ బస్టాండ్ లో ఇంటి దొంగలు

కాళేశ్వరం త్రివేణి సంగమం వద్ద జలకళ

తెలంగాణ ఇంజినీరింగ్ ప్రవేశాల చివరి విడత కౌన్సెలింగ్ ప్రక్రియ ఈరోజు నుంచి ప్రారంభమైంది.

వసతి గృహంలో ఇంటర్ విద్యార్థిని ఆత్మహత్య

విద్యుదాఘాతానికి గురై వ్యవసాయ కూలీ మృతి

Advertisement