Breaking News

తెలంగాణ ఆర్టీసీలో త్వరలో 3,000కుపైగా కొత్త ఉద్యోగాలు

తెలంగాణ రాష్ట్ర రోడ్డురవాణా సంస్థ (ఆర్టీసీ)లో 3,038 ఖాళీ పోస్టులను త్వరలో భర్తీ చేయనున్నట్లు ఆర్టీసీ వైస్ చైర్మన్ మరియు ఎండీ వీసీ సజ్జనార్ తెలిపారు.


Published on: 15 Apr 2025 13:52  IST

తెలంగాణ రాష్ట్ర రోడ్డురవాణా సంస్థ (ఆర్టీసీ)లో 3,038 ఖాళీ పోస్టులను త్వరలో భర్తీ చేయనున్నట్లు ఆర్టీసీ వైస్ చైర్మన్ మరియు ఎండీ వీసీ సజ్జనార్ తెలిపారు. ఇప్పటికే ఈ నియామకాల కోసం ప్రభుత్వ అనుమతి లభించిందని ఆయన స్పష్టంచేశారు. ఉద్యోగ నియామకాలు పూర్తయ్యాక ప్రస్తుతం పనిచేస్తున్న సిబ్బందిపై ఉన్న పని ఒత్తిడి తగ్గుతుందని పేర్కొన్నారు.

అంబేడ్కర్ జయంతి సందర్భంగా హైదరాబాద్ బాగ్‌లింగంపల్లిలోని ఆర్టీసీ కళాభవన్‌లో జరిగిన ప్రత్యేక కార్యక్రమంలో సజ్జనార్ పాల్గొని అంబేడ్కర్ చిత్రపటానికి నివాళులు అర్పించారు. అనంతరం ప్రసంగిస్తూ, ఉద్యోగుల సంక్షేమానికి సంస్థ పరిపూర్ణంగా కట్టుబడి ఉందని తెలిపారు.

ఈ కొత్త ఉద్యోగాల్లో ఎస్సీ వర్గీకరణ విధానాన్ని పాటించనున్నట్లు సజ్జనార్ చెప్పారు. రాష్ట్ర ప్రభుత్వం ఇటీవల ఈ వర్గీకరణను అమలులోకి తీసుకురావడంతో, ఆర్టీసీ నియామకాల్లోనూ దీనిని అనుసరించనున్నారు.

ఈ కార్యక్రమంలో ఆర్టీసీకి చెందిన పలువురు ఎగ్జిక్యూటివ్ డైరెక్టర్లు, జాయింట్ డైరెక్టర్లు, జిల్లా మేనేజర్లు, ఎస్సీ/ఎస్టీ సంక్షేమ సంఘాల ప్రతినిధులు పాల్గొన్నారు. యాజమాన్యం ఉద్యోగుల సంక్షేమంపై ప్రత్యేక దృష్టి పెడుతోందని, రాబోయే రోజుల్లో మరిన్ని అభివృద్ధి చర్యలు తీసుకుంటామని వారు తెలిపారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement