Breaking News

మహిళలకు ప్రభుత్వం బతుకమ్మ, దసరా కానుక.. ఇందిరమ్మ చీరలు వస్తున్నాయ్‌‌.. ఒక్కొక్కరికి రెండు చీరలు !

మహిళలకు ప్రభుత్వం బతుకమ్మ, దసరా కానుక.. ఇందిరమ్మ చీరలు వస్తున్నాయ్‌‌.. ఒక్కొక్కరికి రెండు చీరలు !


Published on: 11 Sep 2025 09:24  IST

తెలంగాణ ప్రభుత్వం మహిళలకి బతుకమ్మ, దసరా పండుగల సందర్భంగా ప్రత్యేక కానుకగా నాణ్యమైన చీరలు ఇస్తోంది. ఒక్కో మహిళకు రెండు చీరలు ఇవ్వాలని సీఎం రేవంత్ రెడ్డి ప్రకటించారు. ఈ చీరల ధర ప్రతి ఒక్కటి సుమారు రూ.800 ఉండనుందని తెలిపారు. ఈ చర్య “ఇందిరా మహిళా శక్తి” కార్యక్రమం భాగంగా చేపడతారు.

గతంలో పాత ప్రభుత్వం తరఫున కొన్ని చీరలు పంపిణీ చేయబడినప్పటికీ నాణ్యతలో తక్కువగా ఉండటం, అవి ఉపయోగించని పరిస్థితులు సోషల్ మీడియాలో వైరల్ అయ్యాయి. కొందరు రైతులు ఆ చీరలను పక్షుల నుండి మొక్కలను కాపాడేందుకు ఉపయోగించారు.

ఈసారి ప్రభుత్వం మెరుగైన నాణ్యతతో ప్రత్యేకంగా తయారు చేసిన చీరలను పంపిణీ చేయనుంది. ముఖ్యంగా సమాఖ్య సంఘాల్లో సభ్యత్వం కలిగిన మహిళలకు మాత్రమే చీరలు అందజేయాలని నిర్ణయం తీసుకుంది.

ఫస్ట్ విడతలో 8,86,522 చీరలు సిరిసిల్ల జిల్లాలో తయారవుతూ రెండు రోజుల్లో ఇతర జిల్లాలకు పంపిణీ ప్రారంభమవుతుంది. ఈ చీరలను యాదాద్రి, సూర్యాపేట జిల్లాల్లోని పెద్ద గోదాముల్లో నిల్వ చేసి, మండలాలు, మున్సిపాలిటీల వారీగా మహిళలకు అందజేయనున్నారు.

ఇలా ప్రభుత్వo మహిళలకు పండుగల సందర్భంగా ప్రత్యేక పద్ధతిలో నాణ్యమైన చీరలను అందజేసి వారి ఆనందాన్ని పెంచేందుకు ప్రయత్నిస్తోంది.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement