Breaking News

చిత్తూరు ఎడతెరిపి లేకుండా వర్షాలు

చిత్తూరు జిల్లాలో గత కొన్ని రోజులుగా ఎడతెరిపి లేకుండా భారీ వర్షాలు కురుస్తున్నాయి. నైరుతి బంగాళాఖాతంలో ఏర్పడిన వాయుగుండం కారణంగా ఈ వర్షాలు కురుస్తున్నాయి.


Published on: 23 Oct 2025 11:54  IST

చిత్తూరు జిల్లాలో గత కొన్ని రోజులుగా ఎడతెరిపి లేకుండా భారీ వర్షాలు కురుస్తున్నాయి. నైరుతి బంగాళాఖాతంలో ఏర్పడిన వాయుగుండం కారణంగా ఈ వర్షాలు కురుస్తున్నాయి. ఆంధ్రప్రదేశ్ రాష్ట్ర విపత్తు నిర్వహణ అథారిటీ (APSDMA) చిత్తూరుతో పాటు నెల్లూరు, ప్రకాశం, కర్నూలు, తిరుపతి జిల్లాలకు భారీ వర్ష సూచనను జారీ చేసింది.

ఈ ప్రాంతాల్లో భూమి ఇప్పటికే తడిగా ఉన్నందున, లోతట్టు ప్రాంతాల్లో వరదలు సంభవించే అవకాశం ఉంది. పట్టణ ప్రాంతాల్లోనూ వరదలు, నీరు నిలిచిపోయే ప్రమాదం ఉంది.వర్షాల కారణంగా కొన్ని ప్రాంతాల్లో చిన్నపాటి భవనాలు దెబ్బతినడం, రహదారులపై రాకపోకలకు అంతరాయం కలగడం, స్థానిక రవాణా వ్యవస్థకు ఆటంకాలు ఏర్పడే అవకాశం ఉందని అధికారులు హెచ్చరించారు.జిల్లాలోని వాగులు, వంకలు పొంగిపొర్లుతున్నాయి. చిత్తూరు మునిసిపల్కార్పొరేషన్ పరిసర ప్రాంతాల్లోని నీవా నదిలోకి వరద నీరు భారీగా చేరడంతో అధికారులు అప్రమత్తమయ్యారు.వర్షాలు, వరదల నేపథ్యంలో నెల్లూరు, చిత్తూరు జిల్లాల్లోని అన్ని పాఠశాలలకు అక్టోబర్ 23, 2025న సెలవు ప్రకటించారు. జిల్లాలో కురుస్తున్న వర్షాల వల్ల జనజీవనం స్తంభించింది.పలు చోట్ల పంట పొలాలు నీట మునిగాయి.వర్షాల కారణంగా ప్రజలు ఇబ్బందులు పడుతున్నారు, ముఖ్యంగా లోతట్టు ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement