Breaking News

ఖర్చులు తగ్గించుకునేందుకు లేఆఫ్స్ చేయట్లే.. అసలు విషయం చెప్పిన అమెజాన్

ఖర్చులు తగ్గించుకునేందుకు లేఆఫ్స్ చేయట్లే.. అసలు విషయం చెప్పిన అమెజాన్


Published on: 12 Dec 2025 18:18  IST

ప్రపంచవ్యాప్తంగా అక్టోబర్‌లో అమెజాన్ ఉద్యోగాలలో పెద్ద ఎత్తున మార్పులు చేసింది. మొత్తం 14 వేల మందిని తొలగించిన ఈ క్రమంలో, భారత్‌లో సుమారు 800 నుండి 1,000 వరకు ఉద్యోగాలు ప్రభావితమైనట్లు తెలుస్తోంది. అయితే, ఈ తొలగింపులు ఖర్చులు తగ్గించడానికో, ఆర్థిక ఇబ్బందుల కారణంగానో చేయలేదని సంస్థ స్పష్టం చేసింది.

అమెజాన్‌ ఎమర్జింగ్ మార్కెట్స్ సీనియర్ వైస్ ప్రెసిడెంట్ అమిత్ అగర్వాల్ వివరించగా –
“మేము మరింత వేగంగా పనిచేసే సంస్థగా మారాలి. ఇందుకోసం మేనేజ్మెంట్‌లో ఉన్న అనవసర స్థాయిలను తగ్గిస్తున్నాము. ఒక స్టార్టప్‌ లాగా చురుకుగా పనిచేయడమే మా లక్ష్యం“ అన్నారు.
సీఈఓ ఆండీ జస్సీ కూడా ఈ నిర్ణయం ప్రధానంగా కంపెనీ సంస్కృతి మరియు పని తీరు మెరుగుపరచడానికేనని తెలిపారు.

భారత్‌లో అమెజాన్ భారీ పెట్టుబడులు

భారత్‌ను దీర్ఘకాలిక మార్కెట్‌గా చూసే అమెజాన్, ఇప్పటికే పెట్టిన దాదాపు 40 బిలియన్ డాలర్లతో పాటు, తాజాగా మరో 35 బిలియన్ డాలర్లు (సుమారు ₹2.9 లక్షల కోట్లు) పెట్టుబడి పెట్టనున్నట్లు ప్రకటించింది.

ఈ కొత్త పెట్టుబడులు ప్రధానంగా మూడు రంగాలపై దృష్టి పెడతాయని సంస్థ తెలిపింది:

  • దేశంలో AI ఆధారిత డిజిటలైజేషన్ వేగవంతం చేయడం

  • భారత ఎగుమతి వ్యవస్థను బలోపేతం చేయడం

  • కొత్త ఉపాధి అవకాశాలను సృష్టించడం

అమెజాన్ లక్ష్యం ప్రకారం, ఈ కొత్త పెట్టుబడులతో 2030 నాటికి 10 లక్షల కొత్త ఉద్యోగాలను భారత్‌లో అందించనున్నారు.

అమిత్ అగర్వాల్ మాట్లాడుతూ, “భారత్‌లో మా వృద్ధి ‘ఆత్మనిర్భర్ భారత్’ మరియు ‘వికసిత్ భారత్’ లక్ష్యాలకు అనుగుణంగా కొనసాగుతోంది. భారత మార్కెట్‌పై మా దృక్కోణం మరింత బలపడింది” అని చెప్పారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement