Breaking News

అమెరికా, చైనా మధ్య కొనసాగుతున్న వాణిజ్య పోటీ ఇప్పుడు కీలక మలుపు తిరిగింది.

చైనా ప్రభుత్వం తాజాగా కొన్ని కీలక ఖనిజాల ఎగుమతులకు సంబంధించి కఠిన నియమాలు తీసుకువస్తోంది.


Published on: 15 Apr 2025 12:55  IST

అమెరికా, చైనా మధ్య కొనసాగుతున్న వాణిజ్య పోటీ ఇప్పుడు కీలక మలుపు తిరిగింది. ముఖ్యంగా భూమిలో అరుదుగా లభించే ఖనిజాలు, లోహాలు, అయస్కాంతాల ఎగుమతులపై చైనా ఆంక్షలు విధించడంతో పశ్చిమ దేశాల్లోని అనేక పరిశ్రమలు తీవ్రమైన సమస్యల్లోకి వెళ్లే అవకాశముంది. చైనా ప్రభుత్వం తాజాగా కొన్ని కీలక ఖనిజాల ఎగుమతులకు సంబంధించి కఠిన నియమాలు తీసుకువస్తోంది.

ఈ పరిస్థితుల నేపథ్యంలో, కార్ల ఉత్పత్తి నుండి క్షిపణుల తయారీ వరకు ఉపయోగించే ముఖ్యమైన విడిభాగాల రవాణా చైనాలోని ప్రధాన పోర్టుల్లో నిలిపివేయబడినట్టు ది న్యూయార్క్ టైమ్స్ పేర్కొంది. కొత్త నిబంధనలు అమల్లోకి వచ్చిన తర్వాత, అమెరికా మిలిటరీ కాంట్రాక్టర్లు సహా ఇతర దేశాలకు చెందిన అనేక కంపెనీలకు సరఫరాలు పూర్తిగా ఆగిపోవచ్చని అంచనా వేస్తున్నారు.

ప్రపంచవ్యాప్తంగా వినియోగించే 17 రకాల అరుదైన లోహాల సరఫరాలో దాదాపు 90 శాతం చైనా నుంచే వస్తోంది. వీటిని ఎలక్ట్రిక్ కార్లు, డ్రోన్లు, యుద్ధ విమానాలు, రోబోట్‌లు, క్షిపణుల తయారీ వంటి కీలక పరిశ్రమల్లో విస్తృతంగా వాడతారు. అలాగే, లేజర్లు, హెడ్లైట్లు, కెపాసిటర్లు, స్మార్ట్‌ఫోన్లలో ఉండే చిప్‌లు వంటి భాగాలలో కూడా ఈ లోహాలు అవసరం.

చైనాపై ఆధారపడుతున్న అమెరికా తయారీ రంగానికి ఇది పెద్ద దెబ్బగా మారే అవకాశముందని పరిశీలకులు చెబుతున్నారు. అరుదైన ఖనిజాల తవ్వకం, శుద్ధి ప్రక్రియలను తన ఆధీనంలో ఉంచుకుని, వాటిని వ్యూహాత్మకంగా ఉపయోగించుకునే చైనా లక్ష్యంగా తీసుకుంటున్నదని నిపుణుల అభిప్రాయం.

ఈ చర్యలు కేవలం అమెరికానే కాకుండా, ప్రపంచ వ్యాప్తంగా ఉన్న ఇతర దేశాల పరిశ్రమలపైనూ తీవ్ర ప్రభావం చూపించనున్నాయి. ముఖ్యంగా రక్షణ, ఎలక్ట్రానిక్స్, ఆటోమొబైల్ రంగాలు ఈ పరిణామాల వల్ల నిలిచిపోవచ్చు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement