Breaking News

మున్సిపల్ ఎన్నికల ప్రచారంలో మల్లారెడ్డి డ్యాన్స్‌

తెలంగాణ మున్సిపల్ ఎన్నికల ప్రచారంలో భాగంగా 2026, జనవరి 29న మాజీ మంత్రి, బీఆర్‌ఎస్ ఎమ్మెల్యే మల్లారెడ్డి తనదైన శైలిలో సందడి చేశారు. 


Published on: 29 Jan 2026 13:58  IST

తెలంగాణ మున్సిపల్ ఎన్నికల ప్రచారంలో భాగంగా 2026, జనవరి 29న మాజీ మంత్రి, బీఆర్‌ఎస్ ఎమ్మెల్యే మల్లారెడ్డి తనదైన శైలిలో సందడి చేశారు. మేడ్చల్ జిల్లా, ఎల్లంపేట మున్సిపాలిటీ పరిధిలోని రాజబొల్లారం తండాలో మల్లారెడ్డి ఎన్నికల ప్రచారం నిర్వహించారు.

ప్రచారం చేస్తున్న సమయంలో అక్కడి మహిళలు మరియు చిన్నారులతో కలిసి ఆయన ఎంతో ఉత్సాహంగా డ్యాన్స్ చేశారు.ఎల్లప్పుడూ సరదాగా ఉండే మల్లారెడ్డి, ఈసారి కూడా తన డ్యాన్స్‌తో ఓటర్లలో కొత్త హుషారు నింపారు. దీనికి సంబంధించిన వీడియోలు సోషల్ మీడియాలో వైరల్ అవుతున్నాయి.కేశ్వపూర్ గ్రామంలో వార్డు నంబర్ 10 బీఆర్‌ఎస్ అభ్యర్థి మాధవరెడ్డికి మద్దతుగా కూడా ఆయన ప్రచారం చేస్తూ గడపగడపకు వెళ్లి ఓట్లు అభ్యర్థించారు. ప్రస్తుతం తెలంగాణలో మున్సిపల్ ఎన్నికల వేడి కొనసాగుతుండగా, ఫిబ్రవరి 11న పోలింగ్ జరగనుంది. 

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement