ఈడీ రంగంలోకి దిగడంతో బయటకొచ్చిన నిజం.

రోజుకి మూడు కిలోల మాంసం తింటుంది,ఎనిమిది నెలల వయస్సులోనే 75 కిలోల బరువు అంటూ ప్రచారం.

Published on: 17 Apr 2025 18:43 IST

బెంగళూరులో ఓ వ్యక్తి విదేశాల నుంచి అత్యంత ఖరీదైన శునకాన్ని రూ. 50 కోట్లకు కొనుగోలు చేశాడని ఇటీవల కొన్ని మీడియా కథనాలు వైరల్ అయ్యాయి. 'వోల్ఫ్ డాగ్' అని పిలవబడే ఈ శునకం — తోడేలు, కాకేసియన్ షెపర్డ్ జాతుల మిశ్రమంగా ఉండి, అరుదైనదిగా పేర్కొనబడింది. "రోజుకి మూడు కిలోల మాంసం తింటుంది", "ఎనిమిది నెలల వయస్సులోనే 75 కిలోల బరువు" అంటూ ప్రచారం జరిగింది.

ఈ వార్తలపై స్పందించిన ఈడీ (ఎన్‌ఫోర్స్‌మెంట్ డైరెక్టరేట్) అధికారులు దర్యాప్తు ప్రారంభించగా, వాస్తవాలు ఒక్కొక్కటిగా బయటపడ్డాయి. ఆ కుక్కను విదేశాల నుంచి దిగుమతి చేసుకున్నట్టు ఎలాంటి ఆధారాలు లభించలేదు. ఎస్. సతీష్ అనే వ్యక్తి తెలిపిన వివరాలు నిజం కాదని, అంతా పబ్లిసిటీ కోసం చేసిన డ్రామానేనని ఈడీ నిర్ధారించింది.

సతీష్ స్వయంగా చెప్పినట్లు ఈడీ రికార్డు చేసింది – విదేశాల నుంచి కుక్కను కొనుగోలు చేయలేదని స్పష్టంగా పేర్కొన్నారు. వేరే వారికున్న కుక్కల ఫోటోలు తీసుకుని, వాటిని సొంతమని చూపిస్తూ ప్రచారం చేశారని తెలిసింది. వాస్తవానికి రూ. 50 కోట్లు ధర అన్నది కేవలం ఊహాగానమేనని తేలిపోయింది.

తాను ‘ఇండియన్ డాగ్ బ్రీడర్స్ అసోసియేషన్’ అధ్యక్షుడినని చెప్పుకునే సతీష్, గతంలో కుక్కల పెంపకంపై ఆసక్తి చూపించినప్పటికీ, ఇటీవలే వాటిని పెంచడం మానేసారు. అయినా కూడా అరుదైన జాతుల కుక్కల ప్రదర్శనల ద్వారా ఆదాయం పొందుతూ, ఒక్క ప్రదర్శనకే లక్షల రూపాయలు వసూలు చేసినట్టు చెబుతున్నారు.

స్వంతంగా ఉండే ఏడు ఎకరాల భవనంలో, కుక్కల రక్షణ కోసం భారీ భద్రతా ఏర్పాట్లు చేశానని కూడా సతీష్ చెప్పారు. అయితే ఇప్పుడు బయటపడిన నిజాలు చూసి, ఈ విషయమంతా కేవలం ప్రజల్లో హైప్ క్రియేట్ చేయడానికే ప్రయత్నమనే అభిప్రాయం వ్యక్తమవుతోంది.

ఈడీ రంగంలోకి దిగడంతో బయటకొచ్చిన నిజం.

ఇవీ చదవండి

కెనడాలో విషాదం: దుండగుడి కాల్పుల్లో భారతీయ విద్యార్థిని మృతి

ఇంటర్‌లో ఫెయిలైన విద్యార్థులకు ప్రత్యేక శిక్షణ తరగతులు నిర్వహించనున్న ఆంధ్రప్రదేశ్ ప్రభుత్వం

వక్ఫ్ కౌన్సిల్‌లో ముస్లిమేతరలను నియమించొద్దంటూ ఆదేశాలు...

ప్రధాని పర్యటనకు సంబంధించి అన్ని ఏర్పాట్ల కోసం మంత్రుల కమిటీ ఏర్పాటు.

భారీ నష్టాలు ఎదుర్కొంటున్న అమెరికా పరిశ్రమలు, వ్యాపారాలు

మానవత్వం మంటగలిసి పోతోంది.కొందరు కామాంధులు పశువులకన్నా హీనంగా ప్రవర్తిస్తూన్నారు

భారత్‌కు గర్వకారణంగా నిలిచిన ఈ టీనేజ్‌ షూటర్‌పై ప్రశంసల వర్షం కురుస్తోంది.

కెనడాలో విషాదం: దుండగుడి కాల్పుల్లో భారతీయ విద్యార్థిని మృతి

ఇంటర్‌లో ఫెయిలైన విద్యార్థులకు ప్రత్యేక శిక్షణ తరగతులు నిర్వహించనున్న ఆంధ్రప్రదేశ్ ప్రభుత్వం

ఈడీ రంగంలోకి దిగడంతో బయటకొచ్చిన నిజం.

వక్ఫ్ కౌన్సిల్‌లో ముస్లిమేతరలను నియమించొద్దంటూ ఆదేశాలు...

Advertisement