పురాతన జంతువు దవడ ఎముక లభ్యమైంది. చరిత్ర పరిశోధకుడు రెడ్డి రత్నాకర్ రెడ్డి ఈ అవశేషాన్ని గుర్తించి, పరిశీలించారు.

శిలాయుగ కాలానికి చెందినదని, మానవులు ఆహారంగా వాడిన జంతువుల ఎముక గుర్తించిన చరిత్ర పరిశోధకుడు రెడ్డి రత్నాకర్ రెడ్డి

Published on: 01 Apr 2025 22:21 IST

జనగామ జిల్లా కేంద్రానికి సమీపంలోని పొట్టిగుట్ట ప్రాంతంలో పురాతన జంతువు దవడ ఎముక లభ్యమైంది. చరిత్ర పరిశోధకుడు రెడ్డి రత్నాకర్ రెడ్డి ఈ అవశేషాన్ని గుర్తించి, పరిశీలించారు.

పంట భూమిలో దున్నకాలు చేస్తుండగా, సుమారు రెండు ఫీట్ల లోతున ఈ దవడ ఎముక బయటపడిందని ఆయన తెలిపారు. ఎముకను పరిశీలించినప్పుడు, దానికి నాలుగు పళ్లు ఉండడంతో పాటు చివర్లో ఒక చిన్న రంధ్రం కూడా కనిపించిందని చెప్పారు. ఈ ఎముక పొడవు, ఆకారం చూసినప్పుడు, ఇది మేక జాతికి చెందినదిగా అనుమానిస్తున్నామని తెలిపారు.

ఆవాస ప్రాంతంలో లభించిన ఈ ఎముక శిలాయుగ కాలానికి చెందినదని,అప్పటి మానవులు ఆహారంగా వాడిన జంతువుల అవశేషాల్లో భాగమై ఉండవచ్చని పరిశోధకులు భావిస్తున్నారు. సాధారణంగా, కాలంతో పాటు ఎముక రంగు మారుతూ తేలికగా మారుతుందని, ఇది ఇప్పటికీ తెల్లగా ఉండడం ఆసక్తికరంగా ఉందని పేర్కొన్నారు.

ఈ ఎముక ఎంత పురాతనమైనదో నిర్ధారించుకోవాలంటే కార్బన్ డేటింగ్ పరీక్షలు చేయాల్సి ఉంటుందని, అయితే ఈ ప్రక్రియ ఖరీదైనదిగా ఉండటంతో విదేశాల్లో నిర్వహించాల్సి ఉంటుందని తెలిపారు. పురావస్తు శాఖ ఆసక్తి చూపిస్తే, ఈ అవశేషాన్ని వారికి అందజేయడానికి సిద్ధంగా ఉన్నామని వివరించారు.

ఇవీ చదవండి

రాష్ట్ర ఎక్సైజ్‌ శాఖ కల్తీ కల్లును అరికట్టాలని ఆదేశించినా.. ఫలితం లేకుండా పోయింది.

బెట్టింగ్ యాప్ భూతానికి మరో యువకుడు బలయ్యాడు.

ఆమెపై తెలంగాణ, ఛత్తీస్‌గఢ్‌ రాష్ట్రాల్లో భారీ రివార్డులు ఉన్నాయి.

అభయారణ్యంలో మూగజీవాల దాహార్తిని తీర్చేందుకు అటవీశాఖ చర్యలు

మెదక్ మండలంలో పారిశుధ్య పరిస్థితి – ప్రజలు అవస్థలు

కంకర రోడ్డుపై నడవలేక ఇబ్బందిపడుతున్నా, మాపై దయ చూపరా..

కందిలో పదిరోజులుగా నీటి సరఫరా లేక ప్రజలు తీవ్ర ఇబ్బందులకు గురవుతున్నారు.

ఏపీ సచివాలయంలో అగ్నిప్రమాదం జరిగింది. రెండో బ్లాక్‌లో బ్యాటరీలు ఉంచే ప్రాంతంలో మంటలు చెలరేగాయి.

కొడుకు జీవితంలో సెటిల్ అయ్యాడని భావించిన తల్లిదండ్రులకు తీరని శోకం మిగిలింది

55 మంది ఉద్యోగులపై కఠిన చర్యలు తీసుకోవాలని ఆదేశించిన ప్రభుత్వం.

ట్రంకు రోడ్డుతో పాటు ప్రధాన వాణిజ్య ప్రాంతాల్లో ట్రాఫిక్ క్రమబద్ధీకరణ చర్యలు

Advertisement