పరారీలో ఉన్న కాకాణిని కేరళలో అదుపులోకి తీసుకున్న పోలీసులు

క్వార్ట్జ్‌ అక్రమాల కేసులో మాజీ మంత్రి, వైసీపీ నేత కాకాణి గోవర్ధన్‌రెడ్డిని ఏపీ పోలీసులు అదుపులోకి తీసుకున్నారు.

Published on: 26 May 2025 08:01 IST

ఆంధ్రప్రదేశ్‌ మాజీ మంత్రి మరియు వైఎస్సార్ కాంగ్రెస్ పార్టీ నేత కాకాణి గోవర్థన్ రెడ్డి అక్రమ మైనింగ్ కేసులో అరెస్టయ్యారు. నెల్లూరు జిల్లాలో నమోదైన కేసులో ఏ4 నిందితుడిగా ఉన్న కాకాణిని కేరళలో పోలీసు బృందం అదుపులోకి తీసుకుంది. ఆయనను రాత్రికి నెల్లూరు తరలించే అవకాశముంది.ఇప్పటికే ఆయనకు సుప్రీంకోర్టులోనూ ఊరట దక్కకపోవడం గమనార్హం. నెల్లూరు పోలీసులు విచారణ నిమిత్తం మూడు సార్లు నోటీసులు జారీ చేసినా, ఆయన హాజరుకాలేదు. అప్పటి నుంచే కాకాణి గోవర్థన్ రెడ్డి అజ్ఞాతంలోకి వెళ్లిపోయారు. దాదాపు రెండు నెలల తర్వాత ఆయన కేరళలో పట్టుబడటం కీలక పరిణామంగా మారింది.

వైసీపీ హయాంలో, సుమారు రూ.250 కోట్ల విలువైన క్వార్ట్జ్ ఖనిజాన్ని అక్రమంగా తవ్వి తరలించినట్లు ఆరోపణలు వచ్చాయి. గని లీజు గడువు ముగిసిన తర్వాత కూడా అక్రమ మైనింగ్ కొనసాగినట్లు ఆరోపణలున్నాయి. స్థానిక నాయకులు పెద్ద ఎత్తున పేలుడు పదార్థాలు నిల్వ చేసినట్లు కూడా అనుమానాలు వ్యక్తమయ్యాయి. ఈ అంశాలపై తీవ్ర దుమారం రేగింది.

ఫిబ్రవరి 16న కాకాణి గోవర్థన్ రెడ్డి సహా పలువురు పై కేసులు నమోదయ్యాయి. విచారణ కోసం ఆయనకు నెల్లూరు మరియు హైదరాబాద్‌లోని నివాసాలకు అధికారులు వెళ్లి నోటీసులు ఇచ్చినప్పటికీ, కాకాణి స్పందించలేదు. దీంతో అధికారులు ఆయనను అరెస్టు చేయడానికి ప్రత్యేకంగా చర్యలు తీసుకున్నారు. కాకాణి తరఫు లాయర్లు హైకోర్టు మరియు సుప్రీంకోర్టుల్లో ముందస్తు బెయిల్ కోసం చేసిన ప్రయత్నాలు విఫలమయ్యాయి. సర్వోన్నత న్యాయస్థానం కూడా బెయిల్ మంజూరు చేయలేమంటూ స్పష్టంగా చెప్పింది. ఈ నేపథ్యంలో, పోలీసులు నేరుగా అరెస్టుకు పాల్పడినట్టు తెలుస్తోంది.

ప్రస్తుతం ఆయనను నెల్లూరుకు తరలించే ఏర్పాట్లు జరుగుతున్నాయని సమాచారం. ఈ కేసు నేపథ్యంలో మరికొన్ని కీలక పరిణామాలు వెలుగులోకి వచ్చే అవకాశం ఉందని విశ్లేషకులు భావిస్తున్నారు.

పరారీలో ఉన్న కాకాణిని కేరళలో అదుపులోకి తీసుకున్న పోలీసులు

ఇవీ చదవండి

విద్యార్థుల వీసా ఇంటర్వ్యూల షెడ్యూలింగును తాత్కాలికంగా నిలిపివేసిన అమెరికా.

అత్యంత అధునాతన ఐదోతరం స్టెల్త్‌ యుద్ధవిమానాన్ని సాకారం చేసే దిశగా ముందడుగు

ఆపరేషన్‌ కగార్‌ నుంచి తప్పించుకునేందుకు మావోయిస్టు అగ్రనేతల ప్రయత్నాలు..

మహానాడు మంగళవారం నుంచి కడప గడపలో అంగరంగ వైభవంగా ప్రారంభం కానుంది.

ఎమ్మెల్సీ కవిత వ్యవహారంలో పార్టీ నేతలెవరూ స్పందించవద్దన్న కేసీఆర్‌

సభ్యుల సంఖ్యతో సంబంధం లేకుండా అన్ని గ్రూప్‌లకు వాయిస్‌ చాట్‌ ఫీచర్‌ని అందుబాటులోకి తెచ్చిన వాట్సప్‌.

విద్యార్థుల వీసా ఇంటర్వ్యూల షెడ్యూలింగును తాత్కాలికంగా నిలిపివేసిన అమెరికా.

అత్యంత అధునాతన ఐదోతరం స్టెల్త్‌ యుద్ధవిమానాన్ని సాకారం చేసే దిశగా ముందడుగు

ఆపరేషన్‌ కగార్‌ నుంచి తప్పించుకునేందుకు మావోయిస్టు అగ్రనేతల ప్రయత్నాలు..

మహానాడు మంగళవారం నుంచి కడప గడపలో అంగరంగ వైభవంగా ప్రారంభం కానుంది.

Advertisement